السبت، 15 أبريل، 2017

جهاز الكرييتف ستيشن Creative Station ...

السلام عليكم

من زمان اشوف هالجهاز وماعطيته ذاك الاهمية لاني بالمره مااحب فكرة التغليف الحراري، وحتى فكرة انه يلصق برضو مو مره اقنعتني اشتري جهاز عشان احول شيء لملصقات ..😕


اولا لان عندي ادوات كثيره تغنيني ..
ثانيا ماراح استخدمه كثير ...😐
ثالثا يحتاج إكسسوارات وريفل كل مايخلص 😩

مع الوقت، قلت اجربه لمن نزل عليه خصم بالرغم انه مو غالي، ومنها تستفيدون انتوا اذا حابين توفرون في اللصق او اي اكسسوارات ثانيه ...

خلوني استعرض لكم اللي شريته لان في نوعيات كثيره ومقاسات .. هذا افضل واحد اللي شريته من شركة زايرون 
مناسب جدا لاغلب الاعمال ومقاس A5 وتقدرين تدخلين بعد مقاس A4 بالعرض جدا عملي والكاتردج الصغير تركب عليها...
فيه احجام صغيره بعد، بس اشوف الكبير اوفر وتقدرين تقصين منه احجام صغيره ، والحلو بعد تقدرين تركبين فيها الاحجام الصغيره اذا حابه...

( اضغطي عالرابط او الصورة للشراء)


وهذي مواصفات الاكسسوارات اللي تجي معه 

4 انواع إكسسوارات 
الاول: لصق دائم يمكنك من وضع ماده لاصقة خلف الصور او البراويز طول الرول 40 قدم.
الثاني: لصق بخاصية إعادة الالتصاق يستخدم مثلا عالورق والاشياء اللي حابه تنزعين او تغيرين مكان الشيء مع الوقت عكس اللي قبله ثابت، طول اللفه 40 قدم.
الثالث: لصق من الجهتين زي (التغليف الحراري) بس بشكل اجمل بكثير ومرتب يعني بديل لالة التغليف الحراري وبدون كهرباء برضو طول اللفه 40 قدم.
الرابع: لصق مغناطيسي مع وجة لاصق من الامام ينفع تسوين ستكرات مغناطيسة للثلاجة طول اللفه للاصف فقط 10 اقدام.
هنا روابط الاكسسوارات الصحيحة للجهاز "انتبهوا تغلطون باي انواع ثانية لانها ماراح تركب عالجهاز للاسف".


( اضغطي عالرابط او الصورة للشراء)







سعر الجهاز 
$46.20 يعادل 173.26 ريال
الاكسسوارات تتراوح بين 60 الى 70 ريال سعودي للرول الواحد..



فيديوهات وشروحات للجهاز




ترقبوا تطبيقي واستخدامي لها على صنع بلانر ...😎😍


هناك 4 تعليقات:

  1. انتضر هالتدوينه يومين ������. و اخيرا منوره ❤.ولين ابي اسويها نفس التغليف الحراري اخذ اي روله !!

    ردحذف
  2. اسمعي هل رح تنزلي برنامج صيفي لرمضان زي حق 2015 ؟ اتمنى بس تغيري التواريخ وترجعي تنزلي مرة تانية

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...