الثلاثاء، 27 أكتوبر، 2015

المنظم الاسبوعي لمقاس Personal أو Medium ..


منظم جديد وبحجم جديد..!!
يعني نحتاج نعيد كل الخطط و التصاميم ..!!
ناقشتكم واستشرتكم في حساباتي ومع صديقاتي المنظمات حول تصميم وفكرة المنظم الاسبوعي للمقاس الشخصي الصغير من المنظمات (Personal بيرسونال Filofax / وسط Kikki.K Medium )
كان فيه إختلافات لكن الكل أتفق بأن المساحة صغيرة ومايحتاجون تدوين كثير، مجرد مهام سريعه ..
عكس المنظم الاسبوعي تبع المنظم اللارج او A5 .. هنا اللي يبي يحمله ..
عاد فكرت شلون أصممه بطريقة سهله وعمليه منها اكتب مهامي على شكل نقاط ويومي وبنفس الوقت بطريقة حره..
وطلعت بهذا التصميم الجميل ...


ودلعتني ودلعتكم وحطيته بكذا ستايل وتصميم  وباللغتين طبعا العربية والانجليزية ..
ملون / بدون ألوان خلفية سادة
ملون / بدون ألوان مع خلفية

المنظم بالنسخه العربية ...
(لاتحفظ الصورة لتحميل الملف بجودة عالية في أسفل الموضوع)

المنظم بالنسخه الإنجليزية ...
(لاتحفظ الصورة لتحميل الملف بجودة عالية في أسفل الموضوع)
ملاحظة : شرحت بحسابي NezariArt السنابتشات كيفية قص التصميم من المنتصف، لاحظوا فيه خط بالنصف يساعدك القص بشكل متساوي وفيه مساحه للتخريم ..


(أرجوا عدم إستخدام/ تعديل التصميم او توزيعه تجاريا)

وش رأيكم ياحلوات واي تصميم عجبكم ..؟؟



هناك 41 تعليقًا:

  1. أزال المؤلف هذا التعليق.

    ردحذف
    الردود
    1. جمييل ما شاء لله
      يعطيك العافيه x3

      حذف
  2. جميل ما شاء الله
    احس التصميم الي بدون خلفية اجمل و ترا كله جميل
    تسلم اناملك

    ردحذف
  3. الله يسعدك ويوفقك مبدعه ماشاءالله تبارك الله

    ردحذف
  4. مبدعة ماشاء الله الله يسعدك دنيا و آخرة و يجزاك عنا خير الجزاء

    ماحضرتن السناب تشات (( فيس يبكي

    ردحذف
    الردود
    1. ان شاء الله راح اشرحه قريب..

      حذف
  5. مرررررررره شكرا ابداع وجمال تسلم يدينك عليه وربي يسعدك ويوفقك ويجزاك كل خير ويرحم والديك دنيا وآخره ياااارب
    عجبني المنظم العربي بالخلفيه وان شاء الله بس أرتب منظمي اوريك .... دمتي غاليتي بحمى الله عزوجل ورضاه ...

    ردحذف
  6. يا ابدااااعك الله يبارك لك أنا معلمة أسرية للمتوسط واستفدت كثير وحملت المنظمات لطالباتي وصار تنافس ومسابقة مين اللي يستخدمه صح ويدون وينجز
    ممتنة وشاكرة لكِ

    ردحذف
    الردود
    1. ربي يسعدك مرره انبسطت ... ياليت دايم تعطيني تفاصيل متابعتك لهم واقتراحاتك اسعد فيها .. ممكن نفيد بعض..

      حذف
  7. جميعها حلوه ومرتبة الله يسعدك كم تمنيت شي كذا بالعربي

    ردحذف
  8. جميل جدا ومرتب والالوان جميلةة ابداعع وجمال🌸💗

    ردحذف
  9. ياااااه مره مره كيووووووووووت حبيت التصميم حسيته عملي اكثر

    ردحذف
  10. حبيت الملون فيه حياه
    شكراً لك😊

    ردحذف
  11. حبيت الملون فيه حياه
    شكراً لك😊

    ردحذف
  12. ماشاء الله مبدعه ومنظمه في شغلك

    ردحذف
  13. الانجليزي الملون خطييييييير 🌹 الله لا يحرمنا يا عسل

    ردحذف
  14. مرره مرره شكرا من اول ما شفته بالسناب تحمست له ومره عجبني ربي يسعدك ،، ممتنة لوجودك

    ردحذف
  15. نوره تدري قد ايش كنت اعاني من مقاس البروسنال وقد ايش صرت احبه غيرت نظرتي فيه شخصيا ههههههههههههههه الحمدلله ع وجودك

    ردحذف
    الردود
    1. ايه مابعد شفتي شي ناويه عليه بافكااار رووعه ..

      حذف
  16. بناااااات لاتنسون تشاركووون اعمالكم ومطبوعاتكم بالانستقرام بهشتاق انا مسويته #شكرا_نورة_النزاري صدقوني هذا اقل من القليل اللي نقدر نسعد فيه انسانه تشاركنا بكل شي جميل ومبدع وماتبخل علينا بفايده ربي يسعدها وياكم يارب الحمد لله ع نعمة الاخوه والمحبه لله حققو لي هالامنيه تكفون ابيه يصير اقوا هاشتاق

    ردحذف
    الردود
    1. ربي يسعدك حنان .. دمعت عيوني...
      تسلمين ياقمر يكفيني اشوفكم سعيدين وتشاركوني فرحكم واعمالكم ...ربي يسعدكم ويخليكم ..

      حذف
  17. أزال المؤلف هذا التعليق.

    ردحذف
  18. تصاميم رائعه ماشاء الله ، جميييل .

    ردحذف
  19. حبييييييييييت
    هذا الي ادوره وبإذن الله يساعدني على الالتزام و التخطيط .
    نورة كلمة شكر ما توفيك حقك ()"
    أسأل الله لك التوفيق و السعادة في الدارين
    جزيتي خيراً

    ردحذف
  20. كلهم حلوين دامها من يدك
    هل احصل منظم في مكتبه جرير تحمست انظم يومياتي

    ردحذف
  21. الله يجزاج الجنه اللي فعلا تقدمين عمل متقن بدون بخل في المعلومات

    ردحذف
  22. روووووووعه يجنن متحمسه له مره
    بس عندي سؤال كيف تطبعين على الوجهين ؟؟؟
    انا اذا طبعتهم تجي وحده مرتفعه لفوق والثانيه نازله مو نفس المكان
    انا بديت استخدم التقويم ومرا استفدت منه
    وشريت البلانر مثل تبعك وان شاء الله يوصل قريب
    شكرا والله يعطيك العافيه

    ردحذف
    الردود
    1. هذا طلع مو مضبوط معك بالطباعه لمن تقلبين الجهتين؟

      حذف
  23. كلها حلوة .
    الله يعطيك ألف عافية .

    ردحذف
  24. ��مايفتح الرابط معاي

    ردحذف
  25. روعة تسلم الايادي
    انتظر المنظم يوصل حتى احطهم
    ولذاك الوقت باستخدمهم في ملف عادي

    ردحذف
  26. جميل ماشاء الله عليك .. ان شاء الله مع بدايه السنه الجديده اشتري لي منظم و احاول انظم حياتي .. ابغى اجرب حياة التنظيم :) ..

    ردحذف
  27. جميل ماشاء الله ربي يسلم عقلك ويدك بس عندي طلب ياليت تنزلي نفس دا المنظم بس بحجم المنظم الاسبوعي القديم لان القديم جربتة وماناسبني من ناحية تحديد الاوقات

    ردحذف
    الردود
    1. رووعه الفكره خلاص ولايهمكم انزله لكم بمقاس اكبر ..شكرا على طرح الفكره..

      حذف
  28. جميل ماشاء الله ربي يسلم عقلك ويدك بس عندي طلب ياليت تنزلي نفس دا المنظم بس بحجم المنظم الاسبوعي القديم لان القديم جربتة وماناسبني من ناحية تحديد الاوقات

    ردحذف
  29. لو سمحتي انا حابة اعمل منظم بنفسي بس شنو نوعية الورق المستخدم زي مثلا خفيف او تقيل ممكن تساعدني

    ردحذف
  30. تسلم الايادي ويجعله بموازيين حسناتك

    ردحذف
  31. تسلم الايادي ويجعله بموازيين حسناتك

    ردحذف
  32. شكرا ياملهمتنا العسل والحمدلله على وجودك
    بس يانورة مو راضي يتحمل معايا
    منظم الفصل الدراسي اتحمل معايا لكن هذا لا ليش؟؟

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...