الأربعاء، 23 سبتمبر، 2015

هدية العودة للمدارس لاختى وسن ..


وعدتكم من فترة بالسنابتشات راح أوريكم مشترياتي لأختي الصغيرة وسن.. حبيت أفرحها واضيف لعامها الجديد وإنتقالها للمرحلة الثانوية شيء مميز و بنفس الوقت ذكرى مني ..
طبعا لمن اشتريتها مو بالترتيب هذا .. كنت اروح للمحلات وأجمع المناسب لها ..راح اصنفهالاقسام واذكر لكم المحلات اللي اخذتها منها مع مقترحات مثلها اونلاين للي حاب يشتري اونلاين ..

حبيت انزل هالموضوع هالفترة لان البعض مسافر ويمكن حب يشتري او يعوض وبنفس الوقت كفكرة للبنات اللي دايم يسألوني عن افكار للهدايا تبع بداية الدراسة او العودة للمدارس...
هنا شكلهم كلهم مجتمعين ..



وراح اقسمها لكم واستعرض معكم اسماء المحلات ..

نبدأ مع الاقلام ..
اهم شي اتوقع بالشنطة الاقلام ، حاولت انوع لها من كل الاشكال والالوان ..


اولا هذا القلم الرصاص من ماركة Smiggle ماركة استراليه رووعه للقرطاسيات والالوان الفرايحية والنيون فروعه بس في استراليا ونيوزيلاندا .. الخبر الحلو يوصلون دولي ومن ضمنها السعودية والامارات .. شيكوا على موقعهم هنا واشيائهم روووعه .. 
فكرة القلم يتغير لونه مع يدك بفعل الحراره يعني هو لونه موف وصار وردي..


وهنا بقية الالوان من الموقع ( اضغطوا عالصوره للشراء)
Image for Colour Change Foil Pencil from Smiggle
القلم الثاني من العشق Typo هنا موقعهم برضو شركة استراليه وفروعها هنا متوفر شيكوا .. موجود لهم فرع  بدبي
عندهم اشكال حيوانات كثير، وسن اختارت البومة .. هنا بقية الاشكال..


 وهنا بقية الاقلام صورتها وانا بالمحل شكلهم جميييل..


اقلام حبر من محل الكي مارت رخيص  عجبتني المجموعة والالوان قلت حلوه للتبديل بينهم ..
في مثلهم في تايبو وهنا بأمازون ..


خلصنا من مجموعة الاقلام كمل مع بقية الاغراض المدرسية..


واشي تيبز حسيته شي مهم وينفع لتزيين الاعمال المدرسية والمطويات .. هنا بأمازون اشكال كثير ..


برايات بالوان مختلفة وبشكل حلو ممتع ممكن تلعب فيهم بعد وقت الفراغ ...


مساحات بأشكال كيوت الماكرونز من Smiggle شيكوا على بقية الاشكال بموقعهم هنا 


ادوات هندسة بس بالوان شوي مختلفة عن المعتاد..


مجموعة اوراق نوتس او ملاحظات برضو كلهم من الكي مارت جدا رخيص و ممكن تحصلين زي هالنوتس بالمحلات اللي قبل وهنا مثلها بالضبط وباشكال بأمازون ..


محددات او هايلايت على شكل مناكير ..



نبدأ مع مجموعة الشنط او المقلميات الصغيره ..


مقلمة شفافة من ماركة Smiggle حسيت حلوه تكون شفافة تبان الوان الاقلام والاغراض جوا فيها منها الوان بعد بس الازرق احسن واحد..


محفظتين صغار جدا من تايبو بشكل الاناناس والبطيخ تستوعب القروش، الفلوس او الكروت قلت حلوه تستخدم للجيب لمن تطلع وقت الفسحه ..


محفظة او مقلمية من تايبو على شكل بومة من إختيار وسن و عندهم اشكال حلوه هنا بعد..


وهذي بعد شنطة للاقلام من تايبو من القماش رووعه ..


وهذا شكلها من الخلف ..


وهنا من داخل المحل لمن كنت أختار ..


آخر مجموعة وهي إكسسوارات متنوعه، اغلب الاشياء هنا بنيوزيلاندا كلها عالموضه واخر ترند او هبه ..وكل مااشوف شي اصوره وارسله لوسن واقول نفسي اشتريه لك ، لاني احسها تناسب البنات اللي بهالعمر ودي حتى انا اشتريهم ...


ربطات شعر ملونة برضو من ماركة كوتون اون هنا  وشراب حسيته كيوت فيه منه الوان واشكال بعد بس وسن قالت ماتبي عندها كثير من آخر مره جات نيوزيلاندا <<كسحتني :(
وهذا السلسال اللي طايحين فيه الحين...


عدسة تتركب عالجوال بتأثير Fish Eye من تايبو وعندهم عدسات مختلفة هنا ...  


علبة موية او اي مشروب وسن اختارت هاللون وهالعبارة، برضو من تايبو هنا الاشكال الباقية ..


 وهنا بقية الاشكال من  خلال جولتي بالمحل ..



سماعة كمبيوتر حلوه وسن تموت بالسماعات ماقدرت تقاوم اشكالها وطلبتني هاللون وهالشكل من تايبو وهنا بقية الاشكال ..



وهنا اشكالها بالمحل ..


ميداليات حسيت حلوه تحطها بالشنطة وتكون الوانها شوي بارزه لان الشنطة لونها غامق بتشوفونها بعد شوي ...
اخذت اللي على شكل حرف من هنا من Smiggle..


دفاتر من تايبو عاد مميزين بالاغلفة واحترت انا و وسن وش نختار وبالاخير طلعنا بهالثلاثة وعليها عرض ..


ومن جوا فيه زي الجيب خلف الغلاف من ورا ومن قدام .. روعه بصراحه احس حلو للمطويات او بنات الجامعه ..


 وهنا صور من جولتي لمن كنت بالمحل قسم الدفاتر تحتاارووون ..



آخر شي الشنطة الجميلة جدا جدا من توب شوب كان عليها تخفيض ب٨٠ دولار ..وكان فيه لون اسود وصتني عليه وسن لانها حابه اللون الاسود بس انتهت للاسف .. بس بعد ماشافت الرمادي غيرت رايها لانها بجد رووعه احسن من الاسود مميز بصراحه ..شوفوا اللون الاسود هنا بموقعهم ..


من وراء تنشال عالكتف..


من جوا، مو مره كبيره ولاصغيره يمكن تستوعب ٥ مواد ..


تتقفل بهالطريقة ..


فيها جيوب من قدام ...


هذي شنطه او كيس صغير من الجلد لونها اسود حسيت حلوه وخفيفة ممكن تستفيد منها وسن في الاغراض البسيطة مثل عبايتها او تنزل فيها بوقت الفسحه او اذا كان عندهم زي الاجتماعات المدرسية او المحاضرات تحط فيها دفترها وسناك بدل الشنطه الكبيره ، وممكن تستخدمها حتى خارج المدرسة او السفر ..


فيها جيب صغير عالجنب..


اكياس من القماش مانستغني عنها ابدا كلنا وكل مره اجمع منها كل الالوان والاشكال من كل المحلات اللي توفرها هنا ..
سعرها رخيص تقريبا دولارين .. تحصلون زي هذي من تايبو هنا ..


وهذا شكل ثاني ..


وكذا خلصت مشترياتي لوسن الجميلة تقريبا كلفتني كلها حوالي ٣٠٠ دولار نيوزيلاندي مايعادل ٧٠٠ ريال سعودي..


وطبعا ارسلت معها هذي الدفاتر اللي غلفتها معكم بالسنابتشات NezariArt ..


وهنا غلفتها بكرتون شحن وحطيت لها بطاقة إهداء ..


وشحنتها لها والحمدلله وصلتها بالموعد وقبل الدراسة ...


لمن وصلت وسن اتصلت علي وفتحتها معي اونلاين واستمتعت فيها وكانت مرره فرحانه ومتشجعه للعوده للمدرسه وبالمرحلة الجديده ماشاءالله تبارك الله .. ربي احفظها واسعدها ...

وشرأيكم في مشترياتي وذوقي ..؟!
وش اكثر شي اعجبكم ..؟
شاركوني قصص إستعداداتكم او تجاربكم في هدايا من هالنوع وأثرها الجميل ..

القاكم مع هدايا أخرى ..





هناك 29 تعليقًا:

  1. ياليتك اختي، اشياء مرهـ جميلة وذوق جميل مررة، الله يسعدك😭💜ياحظه فيك😩

    ردحذف
  2. ذووووووق وربي حظها باخت مثلك الله يحفظك لها ويحفظها لك لازم اسوي لأختي كذا احس بتتغير نفسيتها وتزيد الثقه عندها شويات اكثر شي عجبني أوراق الملاحظات وقلم التحديد والدفاتر أليمة 😢💔 ماشاء الله الله يهنيها 😘👌

    ردحذف
  3. صراحة كل شي جمييل ماشاء الله اختيارك كان موفق للاشياء كلها جميلة بس اكثر شي عجبني شنطة الاقلام اللي من تايبو لانه موردة و انا احب الاشياء الموردة كمان المحافظ اللي على شكل اناناس و حبحب و المؤشر شكله كمان جمييل و الميداليات لاني من الناس اللي دايم يحطون ميداليات بشنطهم الهمتيني ان شاء الله السنة الجاية استعد زين للمدرسة

    ردحذف
  4. صراحة كل شي جمييل ماشاء الله اختيارك كان موفق للاشياء كلها جميلة بس اكثر شي عجبني شنطة الاقلام اللي من تايبو لانه موردة و انا احب الاشياء الموردة كمان المحافظ اللي على شكل اناناس و حبحب و المؤشر شكله كمان جمييل و الميداليات لاني من الناس اللي دايم يحطون ميداليات بشنطهم الهمتيني ان شاء الله السنة الجاية استعد زين للمدرسة

    ردحذف
  5. جمممممممممميلة جدا ماشاءالله

    ردحذف
  6. ماشاءالله تتهنى فيهم جدا جميلين ❤ وتتهنى بأختها ❤
    ربي يسعدك انتي كتلة من الايجابية والحب 💓

    ردحذف
  7. ماشاءالله تتهنى فيهم جدا جميلين ❤ وتتهنى بأختها ❤
    ربي يسعدك انتي كتلة من الايجابية والحب 💓

    ردحذف
  8. اهخخيه خقيت ع الاغراض بالعافيا عليها يارب ����،وليتك اختي والله ����..

    ردحذف
  9. ماشاء الله تبارك الله روووعه... ذوقك جميل ..الله يخليكم لبعض يارب...🌷

    ردحذف
  10. اه الاغراض تهبل ماشاء الله حبيتها مررررررررررررررررة وكل شيء احسن من الثاني ( الله يخليكم لبعض يارب)
    محل تايبو يوصل للسعودي؟؟؟

    ردحذف
  11. 😍😍ما شاءالله ،،، تتهنى فيهم وسن

    ردحذف
  12. ماشاء الله تبارك الله رووووووعه
    اتحمست انزل الملم كل هالاشياء لبناتي ان شالله لما يدخلوا المدارس هههههههههه
    الله يسعدكم ويخليكم لبعض يارب
    وشكرا على مشاركتنا هالشغلات الروعه ماشاء الله

    ردحذف
  13. ماشاءالله بالعافية عليها ويزاج الله خير على اسعادها ويعطيج العافية ❤️��

    ردحذف
  14. مررررررة حلوين ماشاء الله تتهنو فيهم يارب💕😊

    ردحذف
  15. ماشاء الله يا بختها فيك

    ردحذف
  16. عجبني تنسيقك للأدوات المدرسية و الالوان جداً جميلة يا بختها بأخت مثلك الله يحفظك لأهلك ^-^
    ما شاء الله ربي يوفقها و ينجحها في دراستها و حياتها و يوفق الجميع ^3^
    تتهنى بيها يا رب =)

    ردحذف
  17. ماشاءالله لاقوة إلا بالله ربي يديم اخوتكم
    اعجبتني المراسم
    والاكياس
    والشنطه الرمادي احب هاللون حالياً
    وحتى الميداليات
    تتهنا عقبال الجامعه

    ردحذف
  18. جميل ماشاء الله وتتهني فيهن يارب
    والله يوفقها في دراستها وويوفقج
    ويعطيج العافيه

    ردحذف
  19. ذووووق كالعاده وسن ياحضك بنوره ربي يخليكم لبعض يارب

    ردحذف
  20. رهيبه ورائعة ما شاء الله تمنيت أكون أختك ^^ الله يكتب لكم السعادة *

    ردحذف
  21. انسانه مبدعه بكل ما تحويه هذه الكلمه من معاني ارفع لك القبعه
    انسانه تستحق الثناء والتقدير اشكرك لروحك الكريمه في مشاركتنا ابداعك

    ردحذف
  22. ما شاء الله تبارك الله .. انسانه جدا جميله واللي يجي منك اجمل ..
    متابعتك ومره مداومه على مشاهدة فديوهاتك ب السناب واحيان يكون النت شين او اكون مشغوله ما افتح الا سناباتك .. اساسا اول شخص ادور عليه بالحكايات انتي =)) .. الله يوفقك يارب ويسعدك .. بعض من دروسك جالسه اطبقها بالميداني بما اني ادرسهم فن .. مواضيعك تلهمني ككككثير الله يسعدك ويوفقك يااااارب ... والله يسعد اختك بهداياها ويهنيها يارب <3 .. ويسعدك يارب ويحمي لك الكتكوته بنتك يارب <3 <3

    ردحذف
  23. أزال المؤلف هذا التعليق.

    ردحذف
  24. ماششاءاللهه الاشياء جممميللهه الدفاترر والاقلام والمقلميات القماشية 💔💔
    تصيرين اختي أنا كماان ☺️
    ربي يخليكم لبعض ياربب

    ردحذف
  25. ما شاء الله ذوق وشهادتنا فيك مجروحة من ناحية الجمال والاختيار
    موفقة والله يخليكم لبعض يارب ..

    ردحذف
  26. حححبيت كل الاشياء غريبه مو اشياء عاديه تتهنى وسن 💗

    ردحذف
  27. ممكن تصيرين اختي ^_^ ما شاء الله
    الله يسعدك
    قمة بالذوق وفعلا احس هالأشياء تشجع على الدراسة

    ردحذف
  28. انا خلصت جامعة بس عادي اصير اختك الصغيرة

    تتهنى فيهم وسون وتتهنى فيك يارب

    ردحذف
  29. تمنيتهاعندي اغراض دائما بسيطة

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...