الأحد، 12 يوليو، 2015

محفظة العيد..



السلام عليكم ..
اهنئكم بقرب عيد الفطر السعيد إن شاء الله ينعاد عليكم وانتم بصحة وعافية.. اليوم راح أطرح فكرتين لتوزيع الفلوس فكرة الكروت  + فكرة المحفظة وهي نوعا ما فكرة جديدة وصممتها بطريقتي الخاصة لتناسب افكار وثيم العيديات اللي نزلتها هنا ..

لاني حسيت وتصورت راح تعجب الاطفال بشكل كبير وراح تكون لها إقبال وإعجاب كبير من قبلكم .. لاننا ندور دايم عالتميز والجديد اللي ممكن يستفيدون منه اطفالنا او اي احد ثاني.. الافكار جدا سهله وغير مكلفة بس اطبعي الملفات وقصيها بثواني وحطي الفلوس واستمتعي مع اطفالك واللي حولك ماراح تاخذ منك اي جهد او وقت .. بل كل المتعه ... نبدا أولا مع...

فكرة الكروت
هنا نموذج الكروت بثلاث ألوان وثلاث عبارات مختلفة 
 (لاتحفظون الصور لانها بجودة ضعيفة حملوا الملفات من أسفل الصفحة)


نطبع الكروت (على ورق مقوى)اللي موجودة بملفات التحميل في أسفل الصفحة وهي عباره عن ثلاث كروت بثلاث الوان وعبارات مختلفة


أشكال الكروت بعد القص

 

نطوي الكروت بأداة الطوي

 

شكل الكرت بعد الطوي


ممكن نستغل الكرت بأعمال كثير منها عمل فكرة لتوزيع العيديات او الفلوس والطريقة نعمل بالمشرط فتحة تمسك الفلوس


وبالجهة الثانية نكتب الاهداء


هذي بعد فكرة ثانية ممكن نحط حلاوى و هلل او فلوس


هنا كل أشكالهم و ممكن نستخدم الكرت كتعليقة مع هدية


صور اخرى 



فكرة محفظة العيد

نطبع قوالب المحفظة  (على ورق مقوى) اللي موجودة بملفات التحميل في أسفل الصفحة وهي عباره عن ثلاث محافظ بثلاث الوان وعبارات مختلفة
 هنا نماذج داخل المحفظة  بثلاث ألوان مختلفة مع مساحة لكتابة الاسم (لاتحفظون الصور لانها بجودة ضعيفة حملوا الملفات من أسفل الصفحة)


 هنا نماذج غلاف المحفظة  بثلاث ألوان وثلاث عبارات مختلفة (لاتحفظون الصور لانها بجودة ضعيفة حملوا الملفات من أسفل الصفحة)




من الورقة الواحده يمكنك صنع ثلاث محافظ


هذي اشكالهم بعد القص نختار الالوان والعبارات اللي نبي


نبدأ بتفريغ جيوب المحفظة بإستخدام المشرط والمسطرة الحديد تساعد في القص بدقة بدون ميلان


شكل الجيوب بعد التفريغ


الان نختار الخلفية المناسبة للمحفظة 


ونبدأ باللصق من الاطراف فقط


نلصق الجهتين فوق بعض بنفس هالطريقه الخلفيه اسفل 


نلاحظ هنا بد اللصق كيف فكرة الجيوب صارت واضحه ونقدر نحط فيها المحتويات


هنا الجيوب بعد التعبئة الجيب العلوي للفلوس والجانبي ممكن نحط كرت ونكتب فيه عبارات من التاقز اللي نزلتها في موضوع العيديات هنا


بعدها نعمل طوي للمحفظة من المنتصف


نكتب الاسماء ونوزعها عالاطفال راح يستانسون عليها ويحتفظون فيها



تحميل الملفات


بليز ياحلوات اللي تعمل اي عمل استخدمته فيه مطبوعاتي تشاركني لان تفاعلكم يخليني أقدم لكم المزيد..  
 ارجوا عدم إستخدامها للبيع او التوزيع تجاريا لانها من اعمالي وتعبي ومجهوداتي الخاصه حرام تاخذين شغل غيرك وتترزقين فيه ...!! (لإستخدامها تجاريا ارجوا التواصل معي)

تطبيقات متابعاتي المبدعات هنا على هذا الرابط

اتمنى لكم عيد ملون سعيد...

هناك 23 تعليقًا:

  1. فكرة رائعة و مبدعة .. ماشاءالله عليك ..

    متابعة بصمت لك .. ومعجبة بأعمالك الله يسعدك ويجزاك خير ..

    إن شاءالله راح انزل فكرة لعيدياتي هالسنة وراح أرسلك الرابط

    شكراً يانورة .. وكل عام وأنت بخير

    ردحذف
    الردود
    1. تسلمين ربي يسعدك من ذوقك.. وانا في انتظار افكارك الجميلة..

      حذف
  2. يعطيك العافيه حبوبتي .. انا ودي اطبق افكارك لكن مااعرف ايش صار في الكاميو !! لما اسوي امر قص تبدأ الكاميو تتحرك والابره عالشكل طبيعي وممتاز .. لكن الورقه مايطلع فيها ولا خط مقصوص ابدا .. مااعرف وين المشكله؟!!!

    ردحذف
    الردود
    1. مو لازم تقصينها بالكاميو فيه نسخه للقص العادي بدون قص للكاميو..
      ما فهمت وش اللي يتحرك قصك المات؟
      اذا قصدك الشفره ماتقص تأكدي انها نازله صح يمكن تكون معلقة فوق..

      حذف
  3. يتحرك يعني اقصد ان الجهاز ماشي صح .. الابره تتحرك على الورق بالشكل المطلوب لكن مايلمس الورقه .. مااعتقد ان الابره معلقه لان امس كانت تقص تمام واليوم فجأه ماعاد قصت شيء .. وانا ماغيرت شيء بالاعدادات

    ردحذف
  4. حبيت الفكرة مرا و قررت اسويها بس م ينزل الملف عندي :(
    لو عندك صيغة ثانية ياليت تنزليها ، و شكراً

    ردحذف
  5. الله يسلم يديك من النار

    ردحذف
  6. الله يجزاك الجنه يارب العالمين .. فعلا الابره طلعت عالقه وحوالينها براده الورق ومحتاجه تنظيف .. الله يحرم على ايدينك النار يارب العالمين ..

    ردحذف
  7. ما شاء الله تبارك الله
    افكار جدا جميلة وعملية
    الله يرزقك الاجر على مجهودك
    وجزيتي خيرا

    ردحذف
  8. ماشاء الله عليك يا نورا شغلك روعة .. عجبتني الفكرة وجاري التطبيق والمشاركة قريبا بإذن الله

    ردحذف
  9. ما شاء الله فكرة جديدة ورائعة رح يفرحو الاطفال كثير

    ردحذف
  10. يسلم يدينك يافنااانه ماشاء الله تبارك الله .. اكيد هذي عيدياتي هالسنه

    ردحذف
  11. شغل في غاية الروعه ، الله يجعلك من العتقاء من النار في هذا الشهر الفضيل ..

    ردحذف
  12. جميل جداجدا , لكن بعد ماحملته مارضى الجهاز يفتحه :(

    ردحذف
  13. جميلة الفكرة فين كنت عنها =(
    الاعياد الجاية باذن الله

    ردحذف
  14. ووودي اطبق هالأشياء الجميله

    بس يبيلي اتحرك وابدأ انجز شي من يديني واول خطوه لازم اشتري طابعه

    وطبعاً ماادري ووش اختار ��

    ف ااذا ممكن تساعديني وتقولين لي ووش اشتري ! ��


    وبعيداً عن اول خطوه لازم اسويها .. لازم اتعلم شلون اوصلك شكري بنفس مشاعري اللي احس فيها وانا اشووفك تشاركين الناس هالاشياء وتجتهدين بتعليمهم

    الله يجزاك خير ويسعدك يارب ويوفقك

    ردحذف
  15. وفقك الله ، إبداع وذوق عالي

    ردحذف
  16. سلام عليكم
    اختي حابه استخدم البطاقات والثيمات ممكن

    ردحذف
  17. المحفظة نطبعه ف ورق مقوى او ورق عادي؟!

    ردحذف
  18. السلام عليكم ورحمة الله ورحمة الله وبركاته
    اختي نورة
    هناك محل تفاجأت من سنابته بوجود عينيات للبيع و عرفت انها من تصميمك
    احدى الاخوات تقوم بطباعتها و بيعها في المحل

    * محل حديقة الشكولاته * بعنيزة
    بامكانك البحث عنه بالانستقرام و مشاهدة ذلك

    * حفاظاً على حقوقك و كتب الله اجرك نحن استفدنا من إلهامك *

    ردحذف
  19. مشكورة والله يكتب اجرك جدا جميلة أشكال الكروت لكن واجهتني مشكله الملف رفض يفتح معي ,, عندك صيغة ثانية للملف؟

    ردحذف
  20. سلام عليكم اختي حملت الملفات مافيهم شي يطلع لي خالي مافيه الصور!!

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...