الاثنين، 20 يوليو، 2015

شراء كوريو سيلويت + إستفسارات


نزل رابط الشراء المسبق لجهاز الكوريو الجديد من شركة سيلويت امريكا على أمازون و بعروض مختلفه راح اشرح كل عرض بالتفصيل مع اسعاره بأسفل الموضوع لكن قبل كذا ودي اجاوب على بعض الاسئلة الاكثر طرحا من قبل متابعاتي عبر حساباتي الاجتماعية  (اذا كان لديكم إستفسارات آخرى ارجوا طرحها فقط هنا تحت الموضوع حتى يتم الرد عليها والاستفادة من جميع الاستفسارات).


ماهي سيلويت كوريو؟
هنا موضوع متكامل تم طرحه مسبقا بالشرح المفصل مع جميع الادوات والاكسسوارات الخاصه بها.

ماهي سيلويت كاميو؟
هنا موضوع متكامل تم طرحه مسبقا بالشرح المفصل مع جميع الادوات والاكسسوارات الخاصه بها.

ماهي أبرز الفروقات بين الكوريو والكاميو؟

الكاميو :
  •  تقص مع شفره مقاس 1 ملم
  •  المات عريضه بمقاس 12 انش يعني تقريبا تستوعب مساحه ورق اعرض مايقارب A3 ، يعني تقص لك صناديق مربعه اكبر وتصاميم اكبر. 
  • ترسم بالوان سكيتش.
الكوريو:
  • تقص مع شفرة مقاس 2 ملم ( يعني تقص مواد اسمك اكثر من الكاميو)
  • المات اصغر من مات الكاميو مقاس A4 (يعني مساحة اقل لقص العلب الكبيره او الاعمال اللي تحتاج مساحه بالعرض اكثر).
  • ترسم بالوان سكيتش. 
  • تعمل زخرفة مثل النقش.
  • تعمل زخرفة مثل التنقيط.
  • تعمل عملين بنفس الوقت يعني ترسم وتقص او تنقط وتقص، يعني الحامل اللي يشيل الشفره تقدرين تحطين بجنبه ابره ثانيه تبع الحفر او النقش او الاقلام تبع الرسم.

انا عندي كاميو هل احتاج اشتري كوريو؟
 اذا تحتاجين النقش والتنقيط وتقص لك مواد اسمك اشتريها .. واذا ماتحتاجين ماسبق فمايحتاج.

وش اشتري وش الافضل الكاميو او الكوريو. .؟
مافي افضل كل وحده لها خواصها الكاميو يحتاجها الشخص اللي بس يحتاج قص ولمواد ورق  مو سميكة جدا وايضا اوراق كبيره بعرض A3. الكوريو توفر لك مافي الكاميو ايضا وبميزات اكثر كما ذكرت سابقا لكن مساحة المات اصغر.

انتي قلتي بتشترين كوريو لو ماعندك كاميو؟
 ايوه لكن عندي كاميو الان واعتقد انا حاليا مااحتاج الميزات الاضافيه اللي هي النقش والحفر وقص خامات اسمك. يمكن لمن احتاجها واحلل الكاميو لفترة اطول بعدين اشتريها.

هل الدروس تتشابه بين الكاميو والكوريو؟
دروس البرنامج نفسه تبع استديو سيلويت هي نفسها متشابهه لجميع اجهزه سيلويت امريكا .. يعني كيفية القص وتحديد الاشكال وغيرها اللي متعلقة بالبرنامج. لكن طرق تثبيت المات وتبديلها باختلاف العمل اكيد تختلف في الكوريو.

هل احتاج شراء جميع الاكسسوارات مع الكوريو!؟
الافضل تشترينها بعد كل فتره او بعد تمكنك من الاساسيات مثل القص والتعامل مع الجهاز وبعدها تقدرين تشترين الاكسسوارات اللي تناسبك وتحتاجينها بعملك.

هل يمكن استخدام مات وادوات الكوريو لجهازي الكاميو؟
لا مااعتقد لانها مختلفه بالمقاسات واعدادات الجهاز والمات، ماادري يمكن الشفره الجديده تنفع!! راح ننتظر ونشوف التجارب بس هذا الشيء مانصحت فيه الشركة لان يمكن تعدم المات تبع الكاميو.

مافهمت طريقة الطلب المسبق بأمازون ؟
 يعني الان تشترينها وراح توصلك للبيت مجرد مايتم توفرها او طرحها بالسوق كما هو موضح بأمازون يوم 20 اغسطس يعني شهر تقريبا من الان. بعد ماتسوين اتمام لعملية الشراء راح يعطيك تفاصيلك كاملة عن موعد توفرها ويوم الشحن ورقم ورابط لتتبع الشحنة. 

اسعارها والعروض؟

١-العرض الاساسي :
 سعر الكوريو بالعرض الرئيسي او الادوات الاساسية حسب موقع سيلويت امريكا

٢٢٩ دولار امريكي اي مايعادل ٨٥٩ ريال سعودي مع الشحن والتوصيل ١٧٧ ريال سعودي 

المجموع مع الشحن الى بيتك   ١٠٤٢ ريال سعودي

والذي يشمل:
  • جهاز كوريو سيلويت.
  • قاعدة بمقاس 8.5× 6 
  • مات او حصيرة قص بمقاس 8.5× 6 
  • مات او حصيرة للنقش بمقاس 8.5× 6 
  • رؤوس مدببة ونحيفة للنقش.
  • إشتراك مجاني لمدة شهر.
  • ٥٠ تصميم حصري.
  • محول كهربائي.
  • سلك USB
  • CD البرمجيات



٢- العرض يشمل ادوات  النقش البارز فقط


  



٢- العرض يشمل ادوات  التنقيط البارز فقط

 


٣- العرض يشمل ادوات التنقيط والنقش البارز معا.

 


٤- عرض شامل تقريبا لجميع الاكسسوارات ادوات التنقيط والنقش البارز و الرسم و Pixscan



اتمنى ان اكون وفقت بالرد على اغلب إستفساراتكم اتمنى لكم يوم شراء متميز ولاتنسون (اذا كان لديكم إستفسارات آخرى ارجوا طرحها فقط هنا تحت الموضوع حتى يتم الرد عليها والاستفادة من جميع الاستفسارات).

هناك 13 تعليقًا:

  1. شكرًا لك على المعلومات والتفصيل الدقيق، الله يجعله في موازين حسناتك❤️
    حبيت اسألك لو عندي نمط معين بقصه على ورقة A3 وفيها مثلًا ٤ نسخ هل راح تقصل كل حبه لحال بالشكل الدقيق؟ وكيف يتم معرفة الحدود المطلوب القص عندها؟ هل من خلال برنامج في الكمبيوتر او كيف؟ وهل تقبل اي حجم ورق ولا لازم الاحجام المعروفة الرئيسية؟ وشكرًا مره ثانية🙊❤️

    ردحذف
  2. انا توي اليوم دخلت على مدونتك واعجبت بفنك وحابه اتعلمه واتعمق فيه لو تكرمتي علي بقنوات يوتيوب او كتب تشرحه شرح مفصل

    ردحذف
  3. انا عجبني مواصفات الكوريو لكن مايقص حجم البوكسات الكبيرة !؟ طيب اذا اخذت كاميو فيه نقوش كمان ولا فقط قص !؟ ومن وين ممكن اشتريه وابا اعرف اسعارو كمان وكم حجم سماكة الكرتون اللي يقصو !؟ شاكرة لك مجهودك ~

    ردحذف
  4. الله يعطيكي العافيه ويسعدك ويجزاك كل خير
    انا احب الاعمال اليدويه وهذي الاشياء هوايتي من صغري كنت ادور ع احد له خبره ومعرفه اكثر اتعلم منه
    والحمدلله شفت انستقرامك ومدونتك وعشقتها
    حتعلم منك ان شاء الله وحطبق واتفنن ❤️ وجزاك الله خير

    ردحذف
  5. ياريت من جد يعملوا للكاميو ابرة للنقش البارز

    ردحذف
  6. السلام عليكم
    انا عندي متجر و اغلب شغلنا فيه قص .. لكن ماعندي خبرة كبيره في الاجهزه و البرامج.. هل تنصحيني في كوريوا او كاميوا ؟ هل هي تطبع و تقص او بس تقص؟ اذا تطبع هل الوانها متوفره في السعودية عشان ماتعطل كل ماخلص الحبر... شكرا على جهدك و وفقك الله و جعلة في ميزان حسناتك
    شيخة ال سيف

    ردحذف
  7. هل فيه طباعه ؟ او اطبع في طابعه خارجيه

    ردحذف
  8. للاسف كل التقارير اللي تخص جهاز الكوريو غير مبشره مع اني كنت متحمسة لها ولكن للاسف ما طلعت زي التوقعات

    ردحذف
  9. للاسف كل التقارير اللي تخص جهاز الكوريو غير مبشره مع اني كنت متحمسة لها ولكن للاسف ما طلعت زي التوقعات

    ردحذف
  10. هي ماتطبع لها كيبل يتوصل بالكمبيوتر والطابعه موصلة برضو بكيبل للكمبيوتر
    بتطبيق الكاميو لما تسوي امر طباعه تطبع لك بتقسيم مخصص حسب الاعدادات بالكاميو وتاخذي الورقه المطبوعه من طابعتك وتنقليها لجهاز الكاميو وتقص لك
    هذا حسب استخدامي لها الخاص

    ردحذف
  11. مساء الخير نورة عندي مشكلة واجهتني وبحثت مالقيت لها حل ، رجعت اسألك يمكن عندك حل لها
    وقت القص احيانا البليد تعلق بالنص وتصير تطلّع صوت مزعج وترجع تكمل قص بس مو على نفس الشكل الي طلبته منها
    تعلق وتصير تقص بشكل غير وترجع تعلق
    هل عندك اي خلفية عن هالمشكلة؟
    لقيت كثير كثير يشكون منها ومن الحلول انك تزيتين المسار الي يحرك البليد وترجع تعلق ثانيه
    يمكن القى عندك فايدة ، الله يعطيك العافية

    ردحذف
  12. دلال الكندري26 فبراير، 2016 12:07 م

    حبيبتي نوره شلونج انا عندي جهاز كاميو عطاني ياه اخوي وللاسف مايدري وين سيدي البرمجه التابع للاله كيف ممكن ابرمجها على جهازي ؟

    ردحذف
  13. يسعد قلبك بغيت اشتري هذا العرض من امازون
    ٣- العرض يشمل ادوات التنقيط والنقش البارز معا. لكن مادري هل تاتي الالة كوريو معها ولا فقط الادوات ارجو الرد

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...