السبت، 11 يوليو، 2015

مطبوعات و افكار للعيديات..

السلام عليكم ..
ومن العايدين قبل الزحمه وينعاد عليكم وانتوا بصحة وعافية..
باقي تقريبا ٦ أيام على العيد، وحبيت أشارككم مطبوعاتي لهالعيد اللي غلفت فيها العيديات او راح استخدمها في أعمال ثانيه..
اولا صممت ثيم هالعيد بشكل فرايحي وملون زي الوان القوس قزح او حلاوى ماكنتوش حسيتها وتصورتها بتعجب كل أحد خصوصا الاطفال ....
اول شيء راح أقدمه بهالمجموعة هالخلفيات لاني حسيت كثير أعجبتهم هالفكرة تبع تغليف حلويات العيد للسنة الماضية على هذا الموضوع..

(لاتحملين الصور، انزلي اسفل الموضوع لتحميل الملفات بجودة عالية)




حتي لدرجة بنات كثير انطلقوا مع هالفكرة لعمل بزنس للشوكلاته وتغليفها بتصاميم خاصة في أعمالهالم وفنونهم..

راح أطرح عليكم اليوم طريقتين لإستخدام هالخلفيات...

الفكرة الاولى
هنا طريقة تغليف لشوكلاتة هالعيد بس غيرت واستخدمت ورق ذهبي


وهنا بعد اللف ..


وبعدها لفي عليها الورق الخلفيات اللي صممته (يفضل تطبعينه على ورق الطابعه العادي لانه خفيف) ..
اولا : تقصينه باي شكل تبين


شكل مستقيم مع الكلمات 


شكل مايل حسيته أجمل..


وهنا النتيجة بعد اللف ..




الفكرة الثانية
وهي أحد تطبيقاتي لفكرة كيس السلوفان موجودة بالبنترست
حبيت أستخدم هالفكرة لانها مناسبة مع تصميم الخلفيات اللي عملتها..



كل ماعليك تطبعين هالخلفيات على ورق مقوى عشان يصير ثابت ويصير واقف..
اطوي طرف الكرتون زي اللي بالصوره ودخليه بالكيس



بعدها حطي الحلويات


وقفلي الكيس بالتاقز اللي صممتها ..





(لاتحملين الصور، انزلي اسفل الموضوع لتحميل الملفات بجودة عالية)
(لاتحملين الصور، انزلي اسفل الموضوع لتحميل الملفات بجودة عالية)

وش رأيكم في اشكالهم تفتح النفس...
تقدرون تطبعونها وتستخدمونها كتاقز باالطريقة اللي تناسبكم على كيفكم لكم الحريه بدعوااا...
انا فكرت بدل مانعمل تاقز بالطريقه التقليدية نعملها ملصقات ونقفل فيها الكيس زي اللي بالصوره..وش رأيكم فكره جديده؟




الفكرة الثالثة:
رولات الورق المقوى

وهي من أفكار مارثا ستيورت المبدعة حسيتها تليق مع التصاميم اللي نزلتها بأسفل الصفحة
هنا الادوات ورق سولفان ومطبوعاتي اللي في أسفل الصفحة قصي اللي تبين وبالحجم اللي تفضلين يكون الرول
يفضل طباعتها على ورق مقوى عشان يساعد في اللف ..


نجرب نلف الورق بهالشكل ونحدد المقاس تبع الرول..


بعدين نبدأ اللصق


هذا شكل الرول بعد اللصق 


هنا نبدا نلف ورق تغليف السولفان 


نقفل من جهة (ممكن تستخدمين الطريقة الي تناسبك في الاغلاق انا حطيت لصق ملون اصفر)


وبعدين نضيف الحلويات


ونقفل الجهة الثانية نفس الطريقة السابقة بعدين  اضفت لصق من مطبوعاتي تبع التاقز


وهنا بطريقة ثانية نفس الخطوات السابقة


لكن نعمل لها قاغدة بإغلاقها بورق السلوفان من تحت بشكل مستقيم


بعدها ندخل الحلويات 


ونحط شريطة وتاق للتزيين وهذي أشكالها بعد التزيين..


الفكرة الرابعة
وهي فكرة إستخدام الاكياس البنية وعمل فتحة بسيطة في الكيس عشان تبان محتويات الكيس وتطلع بشكل جميل وجذاب .. صراحه الفكره من رأسي 
من باب التغيير وإستغلال السلوفان اللي هو مرافق أفكاري لهالعيد..

اولا هذي الادوات أكياس بنية تحصلونها في ابو ريالين في منها ألوان بعد..


مقصات ممكن اللي تجي مشرشره او باشكال
سولفان وممكن تحصلون بعد سولفان ملون زي الاحمر هذا..


اولا.. نعمل فتحة بالكيس بالشكل اللي تبون عملت شكل مستطيل هنا بالمقص العادي




وهنا بالمقص المشرشر، ممكن تعملون اشكال بالحواف بالخرامات



نقص السولفان بحيث يكون الحجم اكبر من الفتحه اللي قصيناها


بعدها نلصق السولفان من داخل


وهذي شكلها بعد اللصق


وهنا الاحمر 


 بعدها نحط الحلويات وفكرت أزين اطراف الفتحة بالواشي تيبز



وهنا قفلت الكيس بالتاقز



ونزين الاكياس بالطريقة اللي تناسبكم..
وهذي أشكالهم بعد التزيين



تفاصيل أكثر






ملفات التحميل
طبعا ملف التاقز جهزت لكم بعد جاهز للقص بالكاميو بس تطبعين وترسلينها للكاميو للقص ..
وش رأيكم بس بالدلع ..؟

مع الخلفيات اللي ممكن تستخدمونها لمثل هالعمل او تغليف الحلويات عملتها بكذا مقاس اختاري اللي يناسبك..


بليز ياحلوات اللي تعمل اي عمل استخدمته فيه مطبوعاتي تشاركني لان تفاعلكم يخليني أقدم لكم المزيد..
ترا هالمطبوعات لو عند وحده غيري باعت كل حرف فيها ب١٠ ريال يعني بيطلع لها الثيم كامل الف ريال ههههههه
وانا اهديته لكم بكل حب.. فلاتبخلون علي بمشاركاتكم وتفاعلكم هنا بمدونتي او حساباتي...

وعلى طاري البيع ارجوا عدم إستخدامها للبيع او التوزيع تجاريا لانها من اعمالي وتعبي ومجهوداتي الخاصه حرام تاخذين شغل غيرك وتترزقين فيه ...!! (لإستخدامها تجاريا ارجوا التواصل معي)

تطبيقات متابعاتي المبدعات
هنا على هذا الرابط

انتظروا بقية المطبوعات الفانتاستكية..
مابعد خلصنا...
عيد ملون سعيد...


هناك 46 تعليقًا:

  1. جميييييييل وانيق ونعوم ومرتب وكل شي تسلم يدينك ������������������

    ردحذف
  2. الف الف شكر نوره ما شاء الله تفتح النفس وباذن الله باطبقها وننتظر الباقي 😻😻😻

    ردحذف
  3. مشكووورة اختي جدا جميل لكن لما أنزل الصور تصير مشوشة و الكلام م واضح

    ردحذف
    الردود
    1. (لاتحملين الصور، انزلي اسفل الموضوع لتحميل الملفات بجودة عالية)

      حذف
    2. جمييييييله الله يسعدك

      حذف
  4. يهبببل ما شاء الله . تسسلم الايادي .. متشوقه اطببق 😍

    ردحذف
  5. يعطيك ألف عافيه ،، العيد السنه اللي فاتت كانت تصاميمك حاضره معنا بكل حب ، وهذا العيد أيضا ستكون بيننا بإذن الله ��

    ردحذف
  6. نننووررتتنناا الفنانة دايما شكرا مرهه والله يسعدك ويخليك لنا..نستنا شغلك الباقي

    ردحذف
  7. ماشاء الله تبارك الرحمن .. ياحلوك يختي احبك في الله
    واحب شغلك و ابداعك اللهم بارك و زدها من واسع فضلك


    مُتابعه بصمت في سناب وانستقرام $:
    بس للأمانه انتِ تلهمينني بشدّه
    لدرجة اشتريت الكاميو و حبيييتها الحمدلله

    شكرا لك و بارك ربي فيك ()+++

    ردحذف
  8. انتي رائعة وملونة بشكل خياااالي
    شاكرة لك جميل كرمك وعطاءك
    وجارري التطبيق وبإذن الله اوريك اياه 💕

    ردحذف
  9. يعطيك العافية =)
    الصراحة ما شاء الله اتقان بمعنى الكلمة
    الله يجعل مثواك الجنة ^^

    ردحذف
  10. يعطيك العافية =)
    الصراحة ما شاء الله اتقان بمعنى الكلمة
    الله يجعل مثواك الجنة ^^

    ردحذف
  11. ليه مو راضيه تتحمل :(((((

    ردحذف
    الردود
    1. السلام عليكم, أهنيك على الشغل الرائع ماشاء الله تبارك الله
      بس عندي استفسار وين ممكن ألقى الورق الذهبي؟ في المكتبات يصير متوفر؟

      حذف
  12. السلام عليكم, أهنيك على الشغل الرائع ماشاء الله تبارك الله
    بس عندي استفسار وين ممكن ألقى الورق الذهبي؟ في المكتبات يصير متوفر؟

    ردحذف
    الردود
    1. ورق تغليف هدايا تحصلينه بقسم الهدايا او محلات الهدايا

      حذف
  13. اختي الله يسعدك في الاوراق تبع القص اليدوي مو موجود الورقة الكاملة بس موجود الورق الدائري والمربع فكيف ؟ وشكرا

    ردحذف
    الردود
    1. تحصلينها فوق مكتوب (رابط تحميل الخلفيات بجميع العبارات والمقاسات..)

      حذف
    2. تحصلينها فوق مكتوب (رابط تحميل الخلفيات بجميع العبارات والمقاسات..)

      حذف
  14. فنااااااانه تبارك الله 💗💗💗

    ردحذف
  15. ربي يسعدك ألف شكر لك و راح أرسل لك تطبيقي ان شاء الله ربي يجزاك خير دائما مميزة كعادتك

    ردحذف
  16. شكررررا جزيلا
    جزاك الله خير الجزاء ورزقك الفردوس انت واهلك ومن تحبين ويااااارب يحقق كل أمانيك

    ردحذف
  17. تسلمون ربي يسعدكم على تعليقاتكم ودعمكم ..انتظر تطبيقاتكم لإضافتها في قسم الاعضاء.. بالتوفيق للجميع ..

    ردحذف
  18. أعمالك روووعة وابداع الله يفرح قلبك مثل مانتي قاعدة تفرحينا بهذا الإبداع وعندي طلب لو تكرمتي ابي تعلمينا كيف نصلح البنياتا للحفلات والعيد. و شكرا

    ردحذف
  19. تسلمون ربي يسعدكم على تعليقاتكم ودعمكم ..انتظر تطبيقاتكم لإضافتها في قسم الاعضاء.. بالتوفيق للجميع ..

    ردحذف
  20. ربي يسعدك مشكوره على هذا المجهود
    بس ملف الخلفيات مو راضي يتحمل يقول لي في خطأ :(

    ردحذف
  21. جدا جميله ماشاء الله

    ردحذف
  22. الله يغفرلك بكل فرحت طفل يهدي مثل هذي الهدايا

    ردحذف
  23. جزاك الله الفردوس الأعلى وفرحك برؤية وجهه الكريم
    جاري التطبيق وفقنا الله وإياك

    ردحذف
  24. جميل جدا، ابداع ماشالله 😍
    احنا ساكنين في نيوزلندا بعد،
    لمحت تيم تام في الصورة، قبل فترة ناس خبروني ان فيه كحول ماكنت ادري انا بعد 😅
    U can call them if u like 😆

    This inspired me a lot 😍

    ردحذف
  25. الله يسعدك يا نورة ويكثر خيرك ويبارك لك بعمرك و أهلك ومالك ، أحب فيك العطاء

    ردحذف
  26. شكرا .. مودنه رائعه جدا .. سلمت الانامل المبدعه ..

    ردحذف
  27. مدونه رائعه لانسانه راقيه اتمنى لك التوفيق والنجاح

    ردحذف
  28. مدونه رائعه لانسانه راقيه اتمنى لك التوفيق والنجاح

    ردحذف
  29. هل جهاز الكاميو يقص الخشب

    ردحذف
  30. بارك الله في عمرك وعملك ونفع بك عباده

    ردحذف
  31. نورة ابغى سنابك ابغى اشوف اشغالك واعمالك

    ردحذف
  32. ماشاء الله جميل وانبسطت انه مجاني بعد وانا احوس بالنت من امس ماجاز لي شي جاهز
    جاااري التطبيق ان شاء الله وبرسلك الصوورة 😍

    ردحذف
  33. جزاك الله خير وربي يسعدك ولايحرمك الاجر يارب ������ العيد هذا اخذت من تصاميمك ربي يجمعنا واياك في الفردوس الاعلى يارب ��

    ردحذف
  34. الله يعطيك العافية ي قلبي مرااا ابداع تسلم يدينك ..... باذن الله اول ما اخلص من التوزيعات راح اصورها وارسلها لك
    وكل عام وانتي بخير

    ردحذف
  35. الله يعطيك العافيه جدا جميله وان شاء الله راح اسويها

    ردحذف
  36. السلام عليكم
    شغلككك ابداااااااااااع ما شاء الله
    والله شي خورااافي
    هل اقدر استخدم تصاميمك ؟
    الله يكتب اجرك يارب

    ردحذف
  37. يعطيكي العافية كتييير حلوين .. ان شاء الله ع العيد راح اعملهم
    بس يا ريت لو تعملي ثيمات للشوكولا للعيد و رمضان بيكون شكلهم كيوت وعليهم رسومات

    ردحذف
  38. الله يبارك فيك ويحفظك

    ردحذف
  39. الصراحة في كل عيد ادخل مدوناتك والله انها تفتح النفس وعجبت الكل
    حتى في الملفات حقي دايما وفي كل ملف فيه بصمتك عنجد شكرا

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...