الأحد، 10 مايو، 2015

الاوراق المناسبة للقص بأجهزة القص الالكترونية..


السلام عليكم ..
من اكثر وابرز الاسئلة تكرارا بالطرح عبر وسائل التواصل الاجتماعية الخاصه فيني.. هي مشاكل الورق ومقاس شفرة القص..
تفضلوا هنا بعض إجاباتي السابقة والمتكرره على إستفسارات متابعاتي في الخاص او على حسابي في الآسك هنا.. وددت مشاركتها مع الكل لتعم الفائدة...

اولا:بالنسبة للورق كثير بنات يستفسرون عن الورق وعدم توفره بالمكتبات بالخليج؟
وردا على هذا الاستفسار احب ان انوه بأن الورق موجود بجميع المكتبات بالسعودية حتى المكتبات العاديه جدا ..وتأكدت من هذا خلال فترة تواجدي بالصيف بالسعودية ..والورق هو ورق مقوى عادي وتحصلونه بقسم الاوراق وفيه الوان كثيره ..مثل اللي بالصوره السابقة اغلبها متوفره وايضا الورق اللاصق المطفي او اللامع  ..

بعض البنات كما وصلني تقول ماعندها ورق ملون مقوى فتضطر انها تلون القالب داخل برنامج الاستديو وبعدين تطبعه وبعدها القص...!! (كما هو موضح بالصورة)


انا لا أؤيد هذه الطريقة ابدا.. لان فيها ضياع للحبر والوقت .. الافضل تشترين اوراق ملونه وتقصين حسب اللون .. يعني مايحتاج تلونين القالب الا اذا اضطريتي و كان اللون غير متوفر ضمن الوان الورق لديك او اذا كنتي تودين وضع باترن (نقشة)خاصه فيك ..

ماهو الورق المناسب؟
من خبرتي افضل ورق هو الورق المقوى وزن ١٨٠ الى ١٧٠ لأغلب تصاميم القص.. ومقاس الشفره المستخدم هو ٤ ..اذا كان الورق خامته غير جيده ممكن تعملين Douple cut..
اذا تبين صندوق اكثر تماسك ممكن تستخدمين وزن ٢٠٠ بس كذا راح تزيدين ارتفاع الشفره احيانا ٥ الى ٦ وممكن بعد تضيفين  Douple cut..

ماهو المقاس المفضل والمثالي؟
كما ذكرت ٤ مقاس الشفرة و خيار الورق Cardstock وهذي هي اعداداتي الخاصة والثابتة غالبا.

انا اخسر ورق كثير في التجارب؟
استخدمي خيار Test cut  تجربة القص المتواجد تحت صندوق إعدادات الشفرة في إستديو سيلويت كما هو موضح بالصوره.. راح يقص لك مربع صغير على حافة الورق بدون ماتتخسرين اوراق كثيرة ..



ماهي مقاسات الشفره بإختلاف المواد؟
هنا فيه جداول من النت بالانجليزي راح اترجم بعضها والباقي ماتحتاج والافضل تكون بالانجليزي عشان تعرفين نفس الخيارات المتواجدة ببرنامج الاستديو ..

جدول رقم ١:
هنا تجدون Blade Setting يعني اعدادات الشفره ورقمها Material نوع المادة.

مقاس ١: المواد الرقيقة والناعمة مثل الفينل والطباعة الحرارية.
مقاس ٢-٣: المواد المتوسطة بالوزن مثل اوراق الطابعة العادية وزن ٨٠ والورق المقوى بين ١٠٠-١٥٠ غرام.
مقاس ٤-٦:  المواد السميكة مثل الورق المقوى بين ١٨٠ الى ٢٢٠ والورق المقوى ذو الملمس البارز.
مقاس ٧-١٠: المواد السميكه جدا مثل الكانفس.

ملاحظة مهمة:
احيانا ممكن تحتارين بالخيارات مافي مشكله جربي اول مره على المقاس المقترح مثلا ٣ اذا ماضبط لاتغيرين المقاس جربي تعملين Douple cut على نفس المقاس ٣ وجربي وشوفي  بيقص او لا؟
اذا ماضبط روحي للمقاس اللي بعده ٤ اذا ماضبط لاتغيرين المقاس جربي تعملين Douple cut على نفس المقاس ٤ وجربي وشوفي  بيقص او لا؟
اذا ماضبط روحي للمقاس اللي بعده ٥ اذا ماضبط لاتغيرين المقاس جربي تعملين Douple cut على نفس المقاس ٥ وجربي وشوفي  بيقص او لا؟
وهكذا وسجلي الاعدادات بالنوت عندك او احفظي الاعدادات بالاستديو لكل ورق خاص و محدد في اعمالك...

Blade SettingMaterial
1Thin materials such as vinyl and smooth heat transfer material
2-3Medium-weight materials such as paper, cardstock and flocked heat transfer material
4-6Thicker materials such as textured cardstock and pattern papers
7-10Thick materials such as canvas

جدول رقم ٢:
خيارات القص ومقاس الشفرة حسب الورق المصنع من الشركة الام...
بالرغم ان بعض الاوراق كلها نفس المقاسات لكن احيانا تختلف بالجوده ومعها تختلف احيانا مقاسات الشفرة.. واحيانا بعض الشركات ماتوضح وزن الورق تفضلوا هنا الجدول راح يساعدكم:
زي مانتوا شايفين اغلب الخيارات لاغلب الشركات على ٤ زي ماذكرت لكم فوق هو الافضل من خبرتي و نادر ماغيره ..

Paper TypeBlade Setting
American Crafts4
Bazzill4 (double cut)
Coredinations4 (double cut)
DCWV4 (double cut)
Joanns3
Momenta *New 6/6/20124 (double cut)
PaperTrey Ink5
Recollections3
Stampin’ Up5
Silhouette Magnet PaperBlade 4, Speed 1, Thickness 30

 جدول رقم ٣:
خيارات واعدادات القص للفينل: لاحظوا حتى إعدادات سرعة الشفرة مهمه خصوصا اللي يبون يعملون نقشات دقيقة مثل قصات الحناء والتاتو انتبهوا لهذي الخيارات على الورق اللاصق (الفينل)

Vinyl TypeSpeedThicknessBlade Setting
Indoor Vinyl – Oracal 631
Outdoor Vinyl – Oracal 651
Specialty Vinyl – Oracal 751
Specialty Vinyl – Oracal 951
Patterned Vinyl
Heat Transfer – Easyweed
892
Chalkboard Vinyl
Dry Erase Vinyl
Inkjet Printable Vinyl – Adhesive
893
Heat Transfer – Stripflock
Inkjet Printable with Laminate
5333
Patterned Vinyl with Laminate8153
Dusted Crystal3141

ارجوا عدم نسخ الموضوع بدون ذكر المصدر لانها إجتهاداتي الشخصية وتجاربي مع متابعاتي ..
لطرح المزيد من الاسئلة او التعرف على حلول لبعض مشاكل اجهزة القص لسيلويت امريكا تفضلوا على هذا الرابط عبر حسابي في موقع آسك ..

المصادر:


هناك 4 تعليقات:

  1. حمستيني مره ع الكاميو متى اشتريها بس ❤

    ردحذف
  2. اتوقع انك تذكريني يانوره انا ام عواشه هههههههه تعبتج وياي وشفتي بنتي ام كشه متحمسه وياي واااايد
    بصراحه جربت كذا شغله بين وزن الورقه ١٦٠ كان ٤ رقم الشفره مثل ماقلتي وضبطت ولله الحمد ثم انتي
    والورق الثاني ٢٥٠ جربت شفره ٥ كانت ممتازه بعد وساعات شفره ٦


    بإذن الله راح انزل لج كذا تصميم من تصاميمي عرفت الطريقه كيف انقلها من برنامج للكاميو
    :$

    احبج في الله

    ردحذف
  3. يزاج الله خير مبدعه و تعبج واضح شكرا على مشاركه المعلومات ربي يسعدج

    ردحذف
  4. الله يعطيج العافيه .. حبيت استفسر بس عن الدبل كت .. تقصدين نعطي الآله امر القص مرتين و الا في خيار نختاره من البرنامج دبل كت ؟ .. و مشكورة مقدما

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...