الخميس، 4 ديسمبر، 2014

زينة للحفلات التراثية (٢)


مساء الخير..
الزينة الاولى مع اوراق النماذج نزلتها من امس بالمدونة تفضلوا الان جاهزة للطباعة..


الزينة الثانية هذي مطبوعات جاهزة صممتها وجاهزة للطباعة بجميع الالوان والاشكال على هذا الرابط..





هذي زينة المثلثات صح تقليدية بس تعجبني واحسها جميلة وسهله وسريعه للي مستعجل..✂️
ممكن تقصونها مباشره للي عندها مهارة القص على اشكال مثلثات..
بس عاد نزلتها لكم بتصاميم جاهزه بجميع الالوان والاشكال لهذه النقشة..
اهم شي تنتبهون لها في عمل هالزينه، الورق..
لازم لازم يكون مقوى عشان تثبت وتصير شكلها واضح وبارز، الورق الخفيف ماانصح فيه بتطلع شكلها مو انيق..
عكس الزينه التراثية الاولى اللي قبل سويتها على ورق عادي..



الخطوه الوحيدة في هالزينة هي التخريم ..
هنا لكم الحرية تبون تعلقونها بشرائط ملونه او خيوط او اللي تبون من خامات..
انا هنا استخدمت الخرامة الصغيره لاني ابي استخدم خيوط ذهبية ..
نخرم المثلثات من الاطراف ونحاول تكون بعيده شوي من الاطراف لان مانبي تخرب مع الوقت ولمن نعلقها ..
وهذا هو السبب الثاني لاختيار الورق المقوى لان لمن ندخل الخيوط او الخامات جوا التخريمات يساعدنا الورق في ضمان عدم تلف الورق اثناء العمل او استخدامها بالزينة..


هنا خطوة إدخال الخيوط ..
لكم الحرية في طريقة إدخال الخيط او الشريطة، إما تكون الشريطة او الخيط ظاهرة للامام او الخلف..
انا حبيت تكون للخلف لاني احس بتكون أنعم، ممكن تضبط في الامام مع الشرائط الملونه ولو كانت المثلثات سادة…



وراح نستمر بإدخال الخيوط بالتتابع بنفس الطريقة مع بقية المثلثات..
مايحتاج نعمل عقدة للتثبيت بين المثلثات راح تثبت وماراح تتداخل ببعض ..
اهم شي نعمل عقدة للربط في بداية ونهاية المثلثات اللي باطراف السلسله فقط .. لضمان عدم سقوطها..
يتبع الشكل النهائي..



وهذا شكلها النهائي.. ١٢ مثلث، بأربع الوان مختلفه بطول متر ونص تقريبا ..
زينة سريعه وعملية وماتكلفك ولاشيء، دايم نحصلها بمحلات الديكور والحفلات بمبلغ شوي مبالغ على طريقة وسهولة عملها..
ممكن تنفيذ نفس الفكرة على القماش وبهالطريقة راح تحتفظين فيها اكثر لمناسبات قادمة اخرى..
اللي سبق ونفذ اي نوع من هالزينات او راح يطبقها يشاركنا بهاشتاق #لنتشارك_ماصنعنا
وعذرا نزلت الخطوات عالسريع بنفس الوقت، لان هذا العمل سويته من يومين وعندي أعمال ثانيه سويتها وودي اشارككم فيها وماأحب تتراكم علي الاعمال..
عموما هالزينة راح انزلها اليوم بالمدونة للطباعة ..
لي عودة مع عمل آخر ..


هناك تعليقان (2):

  1. ابي النقشات هذي لوسمحتي قاعده ادور بالمدونه ماحصلت :"(

    ردحذف
    الردود
    1. http://www.norahalnezari.com/2014/12/blog-post.html

      حذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...