الثلاثاء، 2 ديسمبر، 2014

زينة للحفلات التراثية (١)


إحباط من بداية الشغل للاسف..
خلص حبر الطابعة..
عموما متابعاتي العزيزات..
راح ابدا معكم عمل زينة بسيطة للحفلات التراثية، وغالبا هنا بالسعودية نسويها بالمدارس كإحتفال بطبق خيري او يوم شعبي..
و طبعا هالعمل لأختي عندها حفل بكرة بمدرستها، وبما اني صممت لها وساعدتها قلت أشارككم هالعمل ومنها تستفيدون منه في أي مناسبات قادمة..✂️
في بداية كل عمل أكيد نحتاج لأهم خامة محببة لنا وهي الورق..✂️
الورق هذا طبعته بالبيت وبتصميم يحمل نقشة القماش المورد الشعبي الذي يعود أصله الى التراث البولندي واحيانا بعض النقشات تعود الى التراث الروسي..
وزي مااحنا متعودين من زمان نشوف جداتنا يلبسون هالقماش بجلابياتهم وملابسهم قديما..
وبما أن اختي الركن تبعهم راح يكون أكلات شعبية، اختارت هالنقشة واللي احيانا نسميها شالكي او نقشة روز ..

عموما هالنقشة حصلتها بالانترنت من تصميم احد مصممات منتدى شبكة ومنتديات إقلاع يعطيها العافية، هنا رابط الموضوع..

وهنا تحصلون ملفات صممتها جاهزة للطباعة بمقاسات مختلفة استخدمت فيها النقشات اللي بالرابط ..

 مقاس كبير  بجميع الالوان على كامل الصفحة A4
مقاس متوسط بجميع الالوان
مقاس صغير بجميع الالوان (حجم البطاقات)

طبعت الورق على ورق A4 العادي الابيض، اولا طبعت جهة بلون مثل الابيض المورد وبعدها خليت الورق يجف برى لدقائق وبعدها رجعت نفس الورق للطابعه بالمقلوب وطبعت نفس النقشات بس عكست وغيرت الالوان..
وصار الورق مطبوع من الجهتين ولا افضل من المطابع العالمية ..

سبب طباعة الورق على الجهتين راح أشرحه بالخطوة القادمة …
نحتاج فقط مقص وصمغ ..


الخطوة الاولى:
نجمع الورق A4 المطبوع معا بطريقة عرضيه، ونبدأ بالقص بالمقص شرائح طولية او مستطيلات..

حيث يفضل ان تكون مقاسات الشرائح بنفس المقاس المعروض بالصوره .. 
مقاس القص يفضل ان يكون ٤ سم للشريحة الواحدة..


 وهذا العمل خلص، وسويت لكم مروحه ورقيه 
امزح امزح ..
بس عجبني الشكل بعد ماقصيت الورق كله ..


الخطوة الثانية:
نلف الورق بشكل إسطواني بحيث نلصق من نهاية الاطراف، يعني مانأخذ مساحة كبيرة للداخل بالضبط على الحواف..

لان كل مااخذتي مسافه في اللصق كل ماصغر الشكل الاسطواني، وهذا خطأ لانه ماراح يساعدنا بالعمل..
ولاحظوا كيف طلع الشكل من الجهتين ملون من داخل اخضر ومن برا ابيض..
اللي تتابعني بإخلاص ومحبة لحسابي راح تعرف هالعمل، لاني سبق وطبقته..



هذا طريقة عمل السلسلة الورقية لتزيين الحفلات..
طريقة العمل موجودة بقناتي باليوتيوب..


نحاول واحنا نلف الورق نغير بالالوان ومانكررها جنب بعض، شايفين ليش طبعت على جهتين وكيف استفدنا من الورق بالتنوع في الالوان بشكل عملي وجمالي بنفس الوقت.


 هذا شكلها بعد ماركبنا كم لون..


ماشاء الله..
اجل رجعت لكم ذكريات الابتدائي..

بصراحه على ايام الابتدائي ماأذكر سويت عمل زي كذا الا كان ناسيه..
كل اللي اذكره رسم سلة فواكة وقص ولصق الدفتر الملون.. هههه
ترا انا من جيل الطيبين 

عموما، هذي الزينة الاولى وخلصتها الان بابدأ بالثانية عاد الثانية جدا سهله واسرع من هذي بعد، كلها خطوتين..




هناك 7 تعليقات:

  1. حبيت التصميم الوردي مرره جمييييله

    ردحذف
  2. حبيت التصميم الوردي مرره جمييييله

    ردحذف
  3. حبيت التصميم الوردي مرره جمييييله

    ردحذف
  4. تسلمي �� روعة التصاميم حبيتها

    ردحذف
  5. الله يسعد قلبك معك اختك فوزية الهراني من بيشة بس بصراحة اعمالك روعه واستفدت من الملفات وحملتها تبع خلفيات الشالكي الف شكر قلبي

    ردحذف
  6. رائع جدا استفدت من اعمالك جدا استعملت فكرتك هذي في حفل بنتي قبل امس في الجنادرية مرة اعجب المعلمات و حتى ملف الانجاز و عيد الاضحى الله يسعدك يا نورة

    ردحذف
  7. أبدعتي، شكرا جزيلا

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...