الأربعاء، 26 نوفمبر، 2014

إعادة تدويرالعلب الزجاجية ..



صباح الخير ..
توني بدأت أصحصح من تعب السفر والجت لاق ..✈️
ربي يسعد أختي الجميلة وأمي  وفروا لي مساحة عمل ومكتب أحط فيه أغراضي وأمارس هواياتي ومتعتي خلال تواجدي معهم بهالاجازة الجميلة..☀️
ولاني من محبي إعادة التدوير قلت أزين هالعلب الزجاجية وأحط فيها أغراضي..



لو تلاحظون مانظفت الصمغ كويس من العلبة لاني أحتاج أستغله كلصق للخامات اللي ابي أحطها عليها…
هنا عندي بقايا الخيط الذهبي كان متعقد وقلت استغله بالتزيين، لفيته عالعلب الان وهو يلصق تلقائي باللصق اللي بالعلبة..


طبعت هالورق من الانترنت، راح انزل التصميم بالمدونة بعد الانتهاء من العمل..
هنا قصيت الورق بإستخدام لوح القص اللي وصلني من شركة فيسكارز العالمية..
راح انزل عنه تفاصيل اكثر بالمدونة، الميزة الجميلة فيه انه عملي وخفيف أخذته معي بالسفر لخفة حملة والتنقل فيه ..
وينفع للاعمال والاوراق الخفيفة..
وهذا نموذج الورق اللي استخدمته للطباعة

العلبة صارت جاهزه وحطيت فيها أدواتي..✂️
باقي ثنتين ماأعتقد راح ازينهم لاني ابيها شفافة..
عموما خطوات العمل سهله زي ماأنتوا شايفين وبسيطه وموجوده بكل بيت..
يلا عن أذنكم راح أكمل ترتيب مساحة عملي وراح انزلكم بعض الاعمال الخاصة بالمدارس من ملفات ومطويات ودفاتر.. نظرا لكثرة الطلبات هنا وفي ناس بعد بالبيت طالبيني اعملهم كم شغله..


ليست هناك تعليقات:

إرسال تعليق

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...