الأربعاء، 29 أكتوبر، 2014

لوح إلهام من المصاصات (١)

صباح الخير..
توكم بتنامون واحنا صحينا ☀️
بس باقي فيني نوم وابي ارجع أنام ..
في بالي فكرة إلهامية أحتاج أزود فيها الاستديو تبع أعمالي ..



جمعت كل الالوان اللي احبها وكالعادة مابقى بالعلب الا الالوان النووترل الاسود والابيض والرمادي اللي يسمونها ألوان الارض ..
دايم أحس اني فرايحية بزيادة  بس هذي الواني وشسوي ذوقي مو راضي يتغير ..
انتوا اي الوان تحبون الباردة درجات الازرق الموف الاخضر، او الدافئة الاحمر الاصفر البرتقالي، أو المحايدة الاسود والابيض والرمادي ..؟


عندي فكرة بعمل شوي متعب ويمكن يأخذ وقت بس عجبني بصراحة لان في بالي أعمل منه شغلة راح أحكيها لكم بعد ماأنفذ العمل ..
كل اللي أحتاجة من أغراض متوفره عندي شرايط وخيوط الى الان .. والاهم مصاصات .. لاني راح الف عليهم هالخامات ..
الشغله شوي دقيقه لو تلاحظون قصصت الشرايط قطع صغار وراح الفهم عالمصاص بعد ماقصيت طرفه العلوي ..


هذي وحده من المصاصات خلصتها، طبعا مو كلها راح تكون نفس الشكل راح أنوع في التصميم، سواء بالالوان او الخامات .. راح أعمل مكس منوع لان العمل النهائي ماأبيه يكون بشكل واحد أبيه عالم من الالوان والاشكال والخامات حتى راح أعمل خامات ثانية واشي تيبز و اوراق ..

صراحة وقفت العمل الان لاني انشغلت شوي ولان الصمغ خلص من عندي.. 
اللي يبي يسوي العمل معي يبدأ الان بس ترا متعب وبيأخذ وقت .. حبيت اقلكم عشان ماأشغلكم ههههه



وش رأيكم بالالوان ..
عملت كذا حبه بعد هذي بس ماصورتها..
راح أبدا بتثبيتها لاني أبي أرتب العمل بصورة عشوائية بحيث ماتتكرر الالوان والاشكال جنب بعض، أكيد مو فاهمين شيء..


راح أشرح الخطوات بوضوح مع الوقت ..بس قبل راح اقول  ملاحظة:

 هالعمل راح يأخذ مني وقت طويل، وانا مره مستمتعه فيه لدرجة أخذت مقاس اللوحة كبير لاني نفسي من زمان أعمل مشروع دي اي واي متعب وطويل لان في بالي أعمل منه لوحة ديكور جميله، وبعد كم مشروع قادم ..

ماهو هذا العمل؟
هالعمل راح يكون لوح إلهام بحيث راح أحطه في برواز وأعلقه بالبيت أو بالاستديو الخاص بعملي..

فكرته: أجمع كل الخامات اللي تلهمني وأحسها قريبه لذوقي وحسي وفني، عن طريق لفها على المصاصات بشكل إسطواني..
كان ممكن تنفذ بكذا طريقة بس حبيت فكرة بروز الخامات بشكل إسطواني على المصاصات لانها أقرب لطريقة تفكيري.. ماأبي اتفلسف عليكم فنيا ونفسيا كيف هذا الشيء له أثر نفسي في طريقة إنتاجي خلال العمل، بس هذا العمل نفذ بالطريقة اللي حاكاها عقلي وخيالي… .
راح أكمل العمل على رواقة هالايام الجاية، وراح يتخلله أعمال ومواضيع ثانيه..
لمن أضيف خامات او اي أفكار ثانيه راح أشارككم هنا بعض التحديثات و وين وصلت مع هالعمل..


تحسون أحيانا أنكم بتصكون أنفسكم عين ههههه
هذا أنا، من كثر ماني معجبه بالعمل قاعده أطالعه ومفهيه هههههه
ماشاء الله .. بس بجد جميل ومتحمسه أكمل ..


وصلت للربع وقربت تخلص المصاصات، وبصراحة ماخذه هالعمل طقطقة بوقت الفراغ اسوي جزء عشان ماأمل منه..
على فكرة معلمات الفنية انصحكم بتنفيذ هالعمل كمشروع طوال الترم مع الطالبات لانه يتطلب وقت ونشاط جماعي..

إنتظروا أخر التحديثات على هذا العمل ..


هناك تعليق واحد:

  1. هذا العمل لسة ما خلص :) !؟

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...