الخميس، 16 أكتوبر، 2014

تحويل أبجوره كلاسيك لستايل عصري إنتقائي ..


عاد طفشت شوي من الاعمال الورقية وزمرد بهذلتني لها فترة وهي تقول Paint .. paint..
قلت يالله نعمل شغله بسيطة وماحصلت الا هالابجورة سالفتها سالفه ههههههه
هذي من أغراض اختي كانت قبلي هنا بنيوزيلاندا وعطتني اياها، المهم انا خنت الهدية وقلت بأصبغها او الونها حسب ستايل مكتبي ..
مافي بالي فكرة بصراحة ..  بس أهم شيء الجيسو قريب مني، حق الترقيع وتدارك الاخطاء ..




هنا تم تدشين العمل برعاية ابنتي زمرد محبة الالوان ..



طردتها على سبورتها ...
صبر صبر ضبطت الالوان.. 
راح تعجبكم ان شاء الله..



مو قلت لكم أهم شيء مساحة العمل والترتيب وتأثيرها بالالهام ومادري وشو ..
انا خلاص طار كل الالهام.. شايفين الالوان اللي عالبلاط من زمرد
الحمدلله طلعنا برى بالحديقة ..


صحيح اول مابدأت ماكان في بالي كيف بأطبع الالوان بس مع الشغل بدأت تتبلور معي الفكرة والالوان.. بس نعطي نفسنا شوي مجال للخيال ..
عموما انا حكيت لكم قد ايش احب الالوان هذي وحاولت الحين ادخل الاسود لان في بالي فكرة الالوان النيون او الستايل الانتقائي #Eclectic Style
اللي فاهمين بالديكور بيعرفون وش اقصد ..


بدأت الان بتلوين الاطراف..


لونت الطرف اللي تحت نفس اللون الفسفوري وكمان القاعده عشان يكون فيه تجانس .. لان القماش خلاص صار مشبع بالالوان ولازم نعمل كونتراست او تباين ..بس قبل اصبغ القاعدة حطيت جيسو كتأسيس عشان يثبت اللون ...


قاعده ازيد الطبقات وادمج الدوائر اكثر تقريبا خلصت خليتها تجف شوي برا ..


عموما هذا شكلها النهائي وهي على مكتبي مطقمه مع الديكور هههههه...
طبعا هي مو مكتبيه، في بالي بعدين احط كنب او جلسه واحطها مع الديكور الباقي بإذن الله..
آسفه جدا طولت عليكم ومسكتكم مع هالصباح ..

دمتم بستايل عصري مشرق ..

هناك تعليقان (2):

  1. تهبل فنانة ي نورة
    مميزة صارت

    ردحذف
  2. اتصل الان وتمتع بخصم كبير عند الشراء من موقع مشبات مؤسسة العتيق
    للتواصل
    0554539874
    لزيارة موقعنا
    www.mashabatsa.blogspot.com

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...