الاثنين، 1 سبتمبر، 2014

استفسارات عن جهار القص الكاميو..


السلام عليكم ..
أحس حسابي بيقلب فرع سيلويت سعودي .. 
خليت كل شيء عشان أرد على إستفساراتكم لجهاز القص كاميو ..
في أمور كثير ودي أحكي فيها …
من أول مانزلت أول تقرير عنها وانا ألاحظ بعض الناس تفتي من رأسها وتقول جربت الجهاز ومو كويس؟!
لمن أدخل على حسابها مافي أي أثر للجهاز أو حتى إهتمام بهذا المجال برمته ..
صراحه شيء ينرفز
هذي الامور بالذات شراء الاجهزة والادوات المكلفة تحتاج الى صدق وأمانة وشفافية .. بعيدا عن أي نية كانت في نفسك …
ياجماعه أفهموني أو حتى بس كملوا قراءة مواضيعي كويس..
أنا ذكرت أن كل أنسان بالحياة له خياراته وتفضيلاته وأسلوبه بالعمل .. اللي يبي اليدوي واللي يبي الرقمي صح ولا لا ؟!
أنا ماجبرت أحد وقلت له خلاص الكاميو هي الشيء النهائي ولاتشترون غيرها!!!
أنا تكلمت عن نفسي عن تجربتي .. أنا أنسانة أعشق الكمبيوتر وعندي خبرة كبيرة فيه لدرجة البرمجة وتصميم المواقع ..
مو قاعده أتميلح .. بس أقلكم ماأتجهت للكاميو الا لاني أحس أني قدها .. 
مو معنى كلامي انها صعبة، لكن راح أحكي لكم بعض الملاحظات عالكاميو وانا قلت لكم أصبروا شوي علي وراح أنزلكم تقرير مفصل بعد أستخدامي لها بفترة .. بس بعض التعليقات بدأت تنرفز …
أفهموا ياتاجرات أن الرزق بيد الله سبحانه وتعالى .. لاتخافون ماأحد راح يسحب البساط عنكم ومافي أحد راح يوقف يطلب منكم .. ولو أني فعلا عيبت على الآلات اليدويه كان مانزلت أعلان لكم بحيث الكل يتعرف على متاجركم …
يعني تجي تاجرة تبيع أداوات يدوية وتقول لا لاتشترون آلة الكاميو وتذكر أسباب غير منطقية وماجربت الجهاز ..!! وش يعني هالكلام؟؟
أنا فتحت هالحساب ماأبي فيه الا الخير لي ولكم و ودي أتكلم وأعرف كل العالم عالآلات والاجهزة والادوات الجديده في فن الأعمال اليدوية .. نبي نوسع مداركنا .. ثقافتنا .. إتجاهاتنا .. ومانحصر أنفسنا على خرامة!!
خلي العالم تشوف وش الجديد وش الزين وش الشين .. وش يناسبها ويناسب طموحاتها وذوقها وقدراتها ..
لاتزعلون مني .. أحس شوي كثرت لكن اصبروا علي شوي قاعدة أكتب تقرير مفصل ثاني أرد فيه على إستفساراتكم بالتفصيل …
ليش مستعجلين تشترون الجهاز الان ؟!!
يعني تو بعضكم عرف عن الجهاز .. إنتظروا، خلاص تحمستوا وتبون تسوون مشاريع بسرعه 
ههههه الله يسعدكم ويوفقكم يااارب كلكم ويرزقكم من أوسع أبوابه ..
التقرير راح يكون فيه بعض الملاحظات الهامة لأصحاب المشاريع الكبيرة …


وهنا موضوع متكامل عن الجهاز

ماهي آلة القص سيلويت كاميو؟


لي عودة معكم ..

هناك 5 تعليقات:

  1. أحيانا لما اخذ تصميم من الانترنت واختار أمر القص يقص لي الشكل مرتين ويكون شكله مزعج ممكن تفيديني من خبرتك كيف اخليه يقص مرا وحده ؟

    ردحذف
    الردود
    1. برنامج الكاميو لا يدعم اللغه العربيه ، هل من طريقه لبرمجته ؟؟

      حذف
  2. جميل مرهه ثانكس

    ردحذف
  3. السلام عليكم ..
    اختي انا عندي الكاميو وشغاله معي تمام اطبع من الطابعة واقص ..
    واجهتني مشكله فيها اللي هي ان الطباعه من البرنامج نفسه تطلع لي مخططه وتخرب علي الصور
    ما ادري وش مشكلتها ما عرفت لها من الاعدادات
    بليييز ابي لها حل جعلك بالجنه ووالديك يارب ..

    ردحذف
  4. نحن وكلاء كاميو في مصر ٠٠٢٠١٢٢٢١٤٣٨١٢
    https://www.facebook.com/Cameo-silhouette-Egypt-764912053631760/

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...