الجمعة، 19 سبتمبر، 2014

عمل تغليف هدية بسيط..


حبيت أجرب هالفكرة من زمان شايفتها بالبن إنترست..
فكرتها إستخدام المساحة تبع القلم الرصاص كختم لعمل الاشكال..
تحسون مافي شيء بسيط الا وتم إستغلاله بعمل فكرة مبسطة وغير مكلفه ..!!

فكرة المساحة جدا عملية بحيث انها تساعدك في العمل لمن تضغط عليها وتمسك اللون .. حتى لدرجة البعض ينحتها على هيئة أشكال مثل النجمة أو مثلث ..✂️
قلت أجربها على غلاف الهدية اللي قاعده أسويها .. لاحظوا هنا أستخدمت ألوان أكريلك ماعجبتني النتيجة ..
مع أني كنت أخفف الكمية قبل أختم .. !!
أكتشفت ان نوعية العمل على هالخامة أقصد “المساحة” يفضل يكون بألوان فيها نسبة ماء .. مثل الالوان المائية أو الاحبار لانها تمتصها أكثر وتعطي نتيجة أفضل ..
جربت الالوان المائية وطلعت روووعة .. شوفوها على الباد الابيض .. شفتوا كيف مفيد الورق الابيض اللي حكيت لكم عنه 
المهم لاتكثرون ماء عشان يكون اللون غني أكثر لان لمن تختمين بيطلع خفيف جدا ..
بس ماضبط عالورق البني أتوقع لو كان الورق أفتح بيطلع أجمل و أوضح ..
قبل النتيجة .. ولان الالوان تحتاج وقت عشان تجف .. قلت أعمل الزينة ..
فكرتها واضحة لصقات الواشي وأتوقع صارت موجودة بأغلب المكتبات .. لصقتهم بهالشكل على خيط ملون ..
اللي ماعندها لصق ممكن تستبدلة بورق ملون .. الابداع مايعيقة أدوات وخامات حاولوا تحصلون بديل بسيط وسهل .. ولاتحبطون أنفسكم ..
النتيجة ال جداا متواضعه هههه ..
سويت زحمة والعمل سهل من مجرد النظر له ..
بس حبيت أكون معكم على إتصال لان من زمان مانزلت أعمال .. وأشكركم كلكم على دعمكم وكلامكم الجميل .. ماتتصورون قد أيش تأثيره علي .. ربي يسعدكم ويعطيكم على قد نياتكم الجميلة ..


هناك 3 تعليقات:

  1. جميل .. تسلم يدينك

    ردحذف
  2. يمااااااه نورة تجنينيييييييين ..احب اطلع فكرة باسهل مايمكن واجمل مايمكن ....هنا فقط يمكن الابداع والجنون

    ردحذف
  3. يمااااااه نورة تجنينيييييييين ..احب اطلع فكرة باسهل مايمكن واجمل مايمكن ....هنا فقط يمكن الابداع والجنون

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...