الجمعة، 26 سبتمبر، 2014

بوكس على شكل خروف من الكاميو..(١)



الله أكبر الله أكبر لا إله إلا الله
الله أكبر الله أكبر ولله الحمد
الله أكبر كبيرا والحمدلله كثيرا
وسبحان الله بكرة وأصيلا..
….


يازين سماع التكبيرات وترديدها بهالايام الفضيلة ..
الله يديمها من أقوال وأعمال والله يبارك لنا ولاحبابكم هذه الايام الفضيلة ويتمم حجهم على خير يااارب .. 
اللهم أحفظ الاسلام والمسلمين في كل مكان يارب العالمين …



معليش تأخرت عليكم بس صاير عندي ظروف هالايام ..
المهم يالله عالسريع روحوا حضروا هالاشياء وخلونا نبدأ مع بعض..
ورق مقوى يفضل هالالوان لان راح نسوي فيه شكل خروف العيد 
لون وردي، ابيض، بيج، اسود
مقص
مشرط
صمغ يفضل هذا اللي على شكل ستيك

والاداة اللي تثني الورق

اللي عندهم بنش بورد يقدرون يستخدمون اللي جات معها، واللي ماعندهم ممكن أبرة الكروشية زي ماذكرت سابقا.. راح اذكر لكم بالعمل ليش نحتاجها ..

المهم هالعمل راح أعمله بطريقتين يدوي، وجاهز من الكاميو..
راح أشرح الطريقتين و فيديو بعد..
بهالعيد راح أخصصه أعمال بوكسات ..
على هذا الهاشتاق
#NZPartyBoxes



شوفوا هنا راح أبدا أقص بوكس على شكل خروف جاهز من الكاميو..
بس شوي شغلاته كثير.. الافضل راح اصور فيديو..
شفتوا كل قطعة بالتصميم تحتاج لها لون راح اركبها عالمات وأصورلكم فيديو أسرع وأوضح..
أكيد كلكم بتقولون طيب ماعندنا كاميو..؟!
الطريقة اليدوية الموضوع القادم علطول ولايهمكم .



قاعدة أمنتج الفيديو 
عبال مايخلص قلت أشارككم بعض الخطوات اللي ابي اذكر فيها تفاصيل يمكن مايوضحها الفيديو ..
المهم شوفوا الكاميو قصت كل شيء لوحده، وهذي الخطوه بصراحة متعبه شوي وتأخذ وقت..
يعني اللي تبي تسوي بزنس يبيلها تشوف شيء سهل ومافيه شغلات قص كثير..
الافضل بس بوكس واشكال جاهزه مقصوصه زي شكل خروف كامل بدون مايكون مقصوص كذا قطعه زي كذا ..

مثل اللي بالصورة اللي عندها بزنس او تبي تقص كذا بوكس بالكاميو المفترض بس تخلي الكاميو تقص لها البوكسات بكميات وتحطها بالتصميم وراء بعض يعني تقص ٢٠ بوكس زي هذا الاصفر وراء بعض.. وفيه مات طويله يمكن تستوعب تقص كميات كثيره لصحبات البزنس واللي يبون يقصون كميات اكثر..

 هذي صورتها مع فيديو يشرح طريقتها..



المهم شايفين هذي القطع كلها جاهزه للتركيب، مافي اي شيء راح اسويه حط مايحتاج استخدم أداة الثني اللي فيه الصوره السابقه، لان الكاميو فيها ميزه تطلع لك خطوط الثني بطريقة عملية تجي مفرغة على شكل خطوط مقطعه، شوفوها واضحه بنص البوكس زي الفراغات .. شفتوها؟



وش رأيكم بخروفي خرووفي..
مرره بأتقطع عليه حتى بنتي جات تركض شيييب شييب ..
هذا البوكس من إنتاج الكاميو .. الفيديو راح أنزله بعد شوي..
راح نعمل أحسن منه يدوي وبالخطوات ..
إنتظروا البوكس اليدوي للخروف وبوكسات أجمل جاية ..

هناك تعليق واحد:

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...