الجمعة، 19 سبتمبر، 2014

بعض الاسرار من خلف الكواليس..

صباح الخير
حبيت أشارككم بعض الاسرار من خلف الكواليس..
أشتقت للتغليف وللاعمال اليدوية بشكل عام✂️
إحتمال ألعب بهالصندوقين شوي وأطلع لكم كم فكرة ..
أول شيء حابه أشاركه معكم سر هالصندوقين، هم نفسهم اللي أغلف عليهم دايم يعني بس استخدمة كنموذج عرض يعني مافي شي جواته .. مجرد ممارسة لهالفن وتطبيق بعض الافكار..
يعني اللي حابة تدرب على هالفن .. تغلف كم صندوق قديمة عندها بالورق البني وتبدع ..
…..
ثاني شيء وهو الورق الابيض اللي عالمكتب .. هذا أشتريته قبل كم شهر وجدااا حبيته ..
فكرته : يسمونه Desk Pad وعادة يستخدمونه في مكاتب العمل لتدوين الملاحظات عليه أو حتى بس للشخبطة ..
عجبتني فكرته لاني ماأحب المات تبع الاعمال، اللي لونة موف تحته بالضبط، يتوسخ أو ينعدم بالالوان أو اي شيء عموما .. 
وعجبتني فكرتة برضو لانة يغطي مساحة كبيرة من المكتب بحيث تقدرين تبدعين براحتك و أقدر أرمي الورقة لمن أخلص و أفتح صفحة جديدة ..
مرررة جدا عملي وأحب أرسم علية وأكتب أفكاري بسرعة وكمان بنتي تجي تجي تشخبط معي عليه 
وأستخدمة أحيانا لحماية السجاد لمن أقعد على الارض وأرسم أخذ كم ورقة وأحطها تحت الكانفس ..
أفكار كثيرررر ..
تحصلونه بأي مكتبه بالعالم قسم المكاتب واكسسوارتها..
يجي حجمة كبير تقريبا ٢٢*١٧ أنش ويحتوي على صفحات تتراوح بين ٥٠-٢٠٠ صفحة


ليست هناك تعليقات:

إرسال تعليق

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...