الجمعة، 19 سبتمبر، 2014

تحويل إيطار قديم كوسيلة لحفظ وعرض الاكسسوارات..

صباح الخير ..☀️
تذكرون هالإيطار اللي لونتة وخليتة فنتج أو قديم ..
المهم بما أني طنشته من فترة قلت أسوي عليه تجارب وأفيدكم بكم فكره راح أطبقها عليه..
أولا .. الشرايط لكم الحرية تكون عريضة أو وسط أو صغيرة حسب الشيء اللي راح تعلقونه عليها .




نثبت الشرايط من الخلف بدباسة عادية واذا كانت الشرايط شوي سميكة ممكن نتثبتها بدباسة الخشب لان دبابيسها أعمق وأقوى ممكن تمسك أفضل ..
المهم هذي الفكرة طبقتها السنة اللي راحت لأطواق الشعر لاخواتي .. عجبتهم الفكرة 
بس ماحبوا يعرضونها برا لان الغبار مشكله يعدم أقمشة الاطواق وحبوا يحتفضون فيها جوا أدراج أو بوكسات تخزيين..
حبيت أشارككم الفكرة مرة ثانية بعرضها على شباصات صغيرتي  
كل فترة أشتري مجموعة وبسم الله يختفون ..
أنتوا نفس الشيء؟

النتيجة...
الله ..حبيتهاااا
ماقدرت أوقف تصوير من جمالها لمن علقتها عليها ..
من جد أشياء بسيطة جدا تضيف جمال ديكور وإنتعاش وترتيب بنفس الوقت ..
عاد انا بس قاعدة أجرب بس شكلي بأطبقها فعلا .. بس باألوان ثانية أنعم .. وأعتقد مايحتاج برضو تتصنفر لانها بتكون بغرفة أطفال أحس مايناسبه هالستايل ..😕
المهم نفس الفكرة تنفع للاطواق بحيث تعلقينهم جنب بعض ..مايحتاج تسوين خلفية للإيطار بالذات لهالنوع من الاكسسوارات عشان تتحكمين في تثبيت الاكسسوارات وتكون عملية بسرعه تشيلين وترجعين الاغراض..

عن قرب

من الخلف

الإيطار كامل

وش رأيكم ؟
من طبقها ومين راح يطبقها؟

هناك تعليقان (2):

  1. مرااا حلوه الفكره وان شاء الله بطبقها قريب ومبروك الافتتاح ������

    ردحذف
  2. ابطبقها قريب لبناتي

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...