الأربعاء، 27 أغسطس، 2014

حلم المبدعات .. سيلويت كاميو ..







صح صح كل اللي قالوا آلة القص كاميو..
شكلكم كلكم ناويين تشترونها..
وانا أشجعكم وأعتبره إختيار الاذكياء.. بكل تواضع☺️
هذي الآلة اللي خلتني ألغي فكرة شراء أي الآت ثانية سواء يدوية أو رقمية
كنت أفكر زيكم أشتري خرامات وبنش بورد والآت قص مختلفة .. لكن وللة الحمد مااستعجلت وكويس الواحد يقرأ ويطلع كثير قبل يخسر فلوسه ووقته وجهده على أشياء ممكن يستبدلها بآلة وحدة فقط !
لاحد يجي ويدافع ويزعل ويقول لا هذي مي حلوه وهذي افضل وهذي لا..
لا تفهموني غلط انا ماراح أعيب على أي آلة ولا أي شركة .. لان كل واحد له خياراته وتفضيلاته بالعمل ✂️
يعني خل أشرحلكم شوي مع أني قد ذكرت هالكلام قبل بأحد المواضيع،
انا أحتاج في أعمالي زينة وطوابع وزخارف أزين فيها أعمالي، موضوع جدا أجهدني بالتفكير الطويل في كيفية توفير كميات كبيرة وخيارات متعددة
تعبت وانا أبحث عن شيء يخلصني من عناء الشراء وتكلفته
فكرت بالالآت اليدوية زي Sizzix و Cuttlebug وتخيلوا كنت شاريتهم خلاص على الكاشيير اللي هي الكتل بق ..وسبحان الله في شيء ردني
رجعت وقرأت الف مرة غير قراءاتي السابقة .. وحسبت  حساباتي .. طلعت علي مرة مكلفة يعني الآلة اليدوية نفسها تكلفك شراء بدون أدوات القص او قوالب القص!! طلعت قوالب القص برضو تكلف حسبتها كلها طلعت تتعدى الف ريال لو باشتري اكثر من قالب قص ..يعني غير عقم الافكار ماعندي غير كم هالقالب اسوي فيهم أشكال ..
يمكن بعضكم بيقول في الالآت اليدوية تقدرين تسوين Embossing اللي هو تحط اشكال بارزه عالورق، يمكن بعضكم يفضلها بس انا ماأحب هالحركة.
نفس الشيء الخرامات ..محدودية في الافكار وتراكم وتكلفة
بحثت عن الآت القص الرقمية لان عندي قدرات وهوايات في إستخدام الحاسب .. وبصراحة أكثر وحدة كانت عليها توصيات وشراء هي الكاميو، تفاجأت من كم الرفيوز الايجابية عليها .. قلت اقرأ واشوف بنفسي واتأكد أكثر وكانت هي تركيزي الوحيد صراحة، انا مره انصدمت قلت كيف كنت باروح أشتري اشياء تقليدية و مكلفة في العمل والوقت والمادة ! بينما الكاميو ممكن تقوم بعمل كل هالالات وبسعر أرخص فقط ألف ريال وعالم مبدع بخيارات لاتنتهي.
أقدر أسحب اي صورة بالعالم ويقصها، أقدر اسوي تصاميمي الخاصة ويقصها، يعمل لي ستكرات، بوكسات، أكياس، أعمال فنية مختلفة بالورق حتى القماش والاستنسل واشياء كثير يقصها.
عموما .. هذا الكلام ماقررته وقرأته أمس !! يمكن لي نص سنة يمكن تقولون تبالغ بس بجد انا ماأحب أستعجل بقرارات زي هذي
المهم وش آلة الكاميو وليه صرفت نظري عن كل شيء وقبل تردون وتسألون

هنا موضوع متكامل عن الجهاز

ماهي آلة القص سيلويت كاميو؟


ليست هناك تعليقات:

إرسال تعليق

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...