الجمعة، 18 يوليو، 2014

فكرة تغليف الشكولاته بالقصدير للعيد..(١)


حبيت فكرة تغليف الشكولاته بالقصدير وبعدين نلفها بأي ورق ..
قلت أطبقها بهالعيد..




صممت القصاصات هذي بمناسبة العيد وراح أنزلها لكم اليوم بقسم مطبوعات للي يبي يستخدمها ..
وتحصلونها باسفل الموضوع ..
ممكن تستخدمون ورق تغليف الهدايا بيطلع روعه خصوصا فيه لمعه شوي ..
وبعدين فوقها تحطون أي ملصقات (زي اللي بمدونتي) أو عبارات انتوا بتصميمكم الخاص..


حطيتها بهالجار النتفه
لاني أبي أوريكم الفكرة لسا ماكملت قاعدة اشتغل عالباقيه..



يم يم .. 
شكلهم مغري .. ماأقدر استنى للعيد..



طيب بالنسبه للمفأجاه 

هي مسابقة للعيد راح تبدأ هنا بحسابي ماراح أذكر تفاصيل كثير الان..
لان المسابقة بإذن الله أتوقع بتكون كبيره جداا وحماسية 
بس حبيت أعلن عنها للي حابه تشترك من الان وتتجهز معكم وقت 
أنا توني بدأت وراح أشارككم كل يوم التجهيزات بكل تفاصيلها والى يوم العيد ..
الجوائز والهاشتاق ماراح أعلن عنها الان لاني حابه تكون هالمسابقة فيها مصداقية عاليه .. ونتابع أعمالنا مع بعض خطوة بخطوة من الان وحتى العيد .. ممكن تشاركوني تجهيزاتكم بهالهاشتاق الخاص بإبداعاتكم #لنتشارك_ماصنعنا 
خلوني أساعدكم شوي عشان تبدأون تخطيط .. المسابقة راح تكون فرعين:
١-تجهيز كامل لطاولة العيد
٢-التوزيعات أو العيديات 
يعني بيكون فيه جائزتين لكل فرع ..الجوائز بتكون مره جميلة لانكم تستاهلون 
يلا أعزموا صديقاتكم على هالمسابقة خصوصا اللي يحبون إعداد الحفلات وعندهم ذوق فني بهالشغلات ..

تحميل المطبوعات ..

مجموعة تغليف لحلويات العيد بثلاث احجام مختلفة ..اضغطي عالصورة لتحميل الملفات ..


هناك تعليقان (2):

  1. كيف مقااسها انا ابغها مربع

    ردحذف
  2. ممممم مره حبيت الفكره ماشاءالله جمييله وشغلك ومدونتك تفتح النفس "الله يسعدكك"

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...