الأحد، 6 يوليو، 2014

DIY صندوق الأداوات..



تذكرون صندوق الأداوات اللي أشتريته قبل فتره 
توني أفتحه وقلت يالله ان شاء الله أقدر أشتغل عليه هالأسبوع..
هالنوعية من الأعمال على كثر ماتحمس تشتغلين عليها إلا أنها تخوف شوي من ناحية البدء في العمل وإنهائه بطريقة مثاليه ..
راح أشارككم العمل بتصوير فيديو كامل على قناتي باليوتيوب ..
لان في أشياء لازم تشوفونها بالتفصيل ..
راح أنزل معكم العمل هنا خطوات وبالشرح اللي أحس أنه ممكن يكون ضروري ..
لان العمل ماراح أخلصه بيوم بيأخذ شوي وقت وبعده أنزل الفيديو ..
عموما الخطوة الاولى :
هي إختيار الورق اللي راح ألصقه على هالبوكس ..انا حبيت أختار شيء فيه طبعة خشب وبنفس الوقت لون تركواز لانه لوني المفضل ..
العمل ماهو ديكوباج .. هو قريب لشغلات الديكوباج لكن مو نفس الطريقه هو مجرد تلبيس الخشب بالورق ممكن نشتغل عليه ديكوباج بس انا ماأحب الشكل النهائي يكون مو واضح الشغل فيه ..!!
يعني بين قوسين أحب يبان شكل الورق لانه جميل بشكله المجرد ..
أخترت الورق بس حسيت يلزمني بعد كم ورقه ثانيه أكمل فيها الشكل راح أرجع أشتريهم..
الالوان جاهزه راح أصبغ أطراف البوكس بالتركواز أو البني …محتاره صراحه وش رأيكم ؟!
وبعدها أقصص الورق وألصقه .. والحمدلله هذا الصندوق مافيه شغلات كثير سهل أحسن من الاول اللي أشتغلت عليه .. #MyKCDiy « هنا اذا تبون تشوفون العمل الاول
يلا لسا متردده ابدأ أشتغل فيه

**** توضيح **** أداواتي أشتريتها من هنا بنيوزيلاندا بمكتبة متخصصة بهالشغلات ..
واللي يبي يشتري زيها ذكرت هالموضوع بأول صوره في هذا الهاشتاق
#شراء_أداواتي
(at My ArtStudio)

هناك تعليق واحد:

  1. عندي مثل هالصندوق بس اصغر للمكتب شاريته من شهور وللان محتارة كيف ابدا فيه وايش الالوان اللي اختارها بس ان شاء الله ما تنتهي الاجازة الا وانا مسويته..

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...