الثلاثاء، 29 يوليو، 2014

طاولة العيد الخاصة من تجهيزي ..




صباحكم عيد ..
هذي طاولة العيد الخاصة بتجهيزي اللي طال إنتظاره علي وعليكم .. من بدأت معكم من أول خطوه بمشروعي على هذا الهاشتاق #NZDIYPartyDecorations وانتهى بهذا الشكل ..
أنا سعيده بهذا الإعداد اللي فرحني وفرح عائلتي الصغيرة .. أشياء بسيطه وسهله ممكن الواحد يسويها ويسلي نفسه ويبسط غيره ..
الحمدلله على كل نعمه صغيره أنعمها علينا ربي .. والله يبارك لنا في وقتنا ومالنا وشبابنا .. 

كان ودي أشارككم كل خطوة صغيرة حتى ملابس العيد،، بس تعرفون العيد وحوسته
ان شاء الله ماراح أقصر معكم كل حسابي لكم ..
والله والله والله اني أحبكم في الله وكل مشاركاتكم ورسايلكم عالدايركت والهاشتاق تدخل بقلبي السعادة مو متصورة قد أيش هالتفاعل الجميل معي مستمر .. ماشاء الله تبارك الله اللهم زد وبارك فيما فيه فائدة ونفع للجميع ..
وصدقوني مافاتكم شيء راح أسوي تجهيز ثاني وثالث وأزودكم بأفكار وخطوات العمل قد ماأقدر .. وراح أتطور بما يفيدينا جميعا.. وكل هالشيء بفضل تشجيعكم وتعليقاتكم المفيدة ..
عندي مشروع جديد راح يسعدكم كثيييير بس بعد العيد ان شاء الله ..
الان خلونا بعيدنا الجميل ومررره متشووقه للمسابقه لاني ابي أشوف إبداعاتكم ..


تجهيز الطاولة...


ترا قاعده أصور ونأكل على أخر الصور بتخلص كل الاغراض ..


تفاصيل أكثر ..


حبيت أضيف برواز الصور كديكور وكان نفسي أحط وسطه كرت أو ورقة عمل سكراب بوكنق يخص ذكرياتي انا وعائلتي بس شوي أنشغلت بالترتيبات فكان أسرع شيء تصميم عالسريع بالفوتوشوب وكتبت أسماءنا من باب إظهار الود والإهتمام بكل شخص في العائلة ..


ياجمااالهم هالميني بوتلز ..
هذي ماكانت عندي تو شريتهم لمن بدأت التجهيز شفت عليهم تخفيضات ماصدقت الرخص 
تخيلوا تجي تقريبا في بوكس ٩ حبات ب ١٢ دولار 
وفيه بالحبة وأحجام صغار وكبار .. يمكن قد شفتوا الكبار بمطاعم دايم يحطون فيها الموية ..
المهم هذي اصلا لها زي الغطاء المطاط تتقفل بس عادي أقدر أشيله ..
يابنااات هذي لازم كلكم تشترونها « بتفلسكم 
جميييله وتعطي أفكار وتضيف ديكور رائع ..
عاد لان في الوان كثير وعبارات واجد فما حبيت أكثر ديكور عليها وانا ضد فكرة الملصقات الطقم على كل شيء
فكرة بايخه جداا أحس أذا حطينا على كل شيء ملصقات صارت كأنها طبعه ماركة
سوري بس هذا رأيي ..
على فكرة أسمها
#MilkBottles


ليست هناك تعليقات:

إرسال تعليق

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...