السبت، 26 يوليو، 2014

التخطيط سر نجاح كل عمل مبهر ..


بما أني راح أبدا بتجهيز طاولة العيد ومعي وقت  أذن لازم أخطط لان التخطيط سر نجاح كل عمل مبهر ..
العام عملت طاولة للعيد كانت مره بسيطه وسريعه وكل الاغراض من البيت ماأستعديت ولاسويت شيء..
ممكن أشارككم فيها بعدين .. بس من باب أني جربت تجهيز طاولة العيد أو ركن الحلويات والضيافة بالعيد بتخطيط وبدون تخطيط أبيكم تشوفون الفرق بين التجهيزين وكمان أشارككم بعض الخطوات والنصائح ..

أول شي نحتاجه:-دفتر أوكراسة لرسم تصورك للطاوله وترتيبها. مو شرط تكونين رسامه بس مجرد رسم توضيحي تمشين عليه ممكن ترجعين لصور ألهمتك في التصميم لإعداد الطاوله بحيث تحطين الصور قدامك وتبدأين بصنع طاوله من أفكارك الخاصه ..
-وضع ترتيب معين لطريقة توزيع الاغراض على الطاوله مثل البرطمانات، التحف ، الزينة الورقيه، مزهريات، شموع ، شمعدانات، أرفف، ستاندات ، صحون او صواني ..ألخ ..
- كتابة قائمتين بجانب السكيتش؛
القائمة الاولى ماذا احتاج للبدء بالعمل مباشرة: يعني كل الاغراض موجودة عندك بالبيت بس تبدأين بترتيبها وصنعها
مثلا في قائمتي كتبت إكمال تغليف الحلويات وصنع الزينة الورقيه لان كلها موجوده عندي بس أحتاج أشتغل عليها ..✂️
القائمة الثانية ماذا ينقصني: هنا تكتبين الاغراض اللي مو موجوده بالبيت بحيث تكتبين قائمة تسوق وتوفرينها للعمل.
-* نصيحة* بعدم المبالغة في الشراء بحيث لاتستخدم هذي الاغراض ونهايتها الزباله، يفضل شراء أداوات وأواني وزينة الحفلات بشكل نهائي ولمرة واحدة أو دائم يعني لمن تشترينهم حاولي تكون إستخدامها دائم يعني بلاش نشتري بلاستيك أوشي مو ممكن نستخدمة مره ثانيه ونحاول نشتري شيء ممكن يستخدم بأكثر من حفله عشان نقلل من التبذير .. والافضل نأخذ ألوان محايده بحيث تمشي مع أي لون أو نوع زينة مثل الزجاجيات واللون الابيض والبيج أو المشمشي ..
-قبل نشتري هالاغراض لازم تسألين نفسك قد أيش أنتي مهتمة بهذا النوع من الترتيب والتنسيق وزي ماذكرت أذا ماراح تستفيدين منها وراح تكلفين نفسك مبالغ هائلة بدون ما تستفيدين منها أبدا الافضل ماتكلفين على نفسك مع أني بالعكس ودي تتشجعون وتكملون هالخطوة بشكل دائم عند الضرورة .. مافي شيء مستحيل ..
-نحاول نحتفظ بجميع أداوات الزينة ولفها بأكياس ووضعها بصندوق خاص نكتب عليه زينة الحفلات..
-تشجيع جميع أفراد العائلة بالمشاركة في الإعداد لانه له أثر نفسي جميل في النفس وإدخال الفرح والمتعة بالمنزل. نخليها عادة ..
هذي بعض النصائح واذا تذكرت شيء راح أكتبها بالخطوات لمن أنزل صور الاستعدادات


#NZDIYPartyDecorations (at My ArtStudio)

هناك تعليقان (2):

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...