الثلاثاء، 1 يوليو، 2014

طريقة تغليف وايضا معطرات للملابس ..


هذا الشكل النهائي البسيط والتقليدي جدااا ..
قصيت القماش على شكل دائري وسويت شرائط مختلفة من نفس القماش وحاولت أخلي القماش كذا منشل من الاطراف حسيته أجمل ممكن لو عندكم مقص مشرشر بيطلع أجمل ..



عاد ممكن تحطون فيها هدايا او أي شيء تحبونه .. لكن بما أن العمل كان من قماش قلت أستغله بشيء احسن فعملت منها أكياس معطرة للدواليب والصناديق في غرفتي الخاصة ..


ممكن تبحثون عن هالموضوع للمهتمين في هالشغلات .. لكن بأقلكم طريقتي أضفت قطن ووضعت عليه بعض القطرات من العطور الزيتية المتوفرة عندي وبرضو بعض الاعشاب المعطرة والورود المجففة .. بس لمن تضيفين النقط الزيتية حاولي ماتكثرين عشان ماتبقع في القماش ويطلع شكلها بايخ ..

ممكن تجددينها كل فترة لو راحت ريحتهم .. مره جدا سهله ومايحتاج تروحين تشترين وتتكلفين وممكن تسوينها بمزاجك الخاص وتتميزين فيها ..


افضل طريقة لحفظ الرائحة ولمدة أطول تكون دائما بتغطيتها أو كتمها في مكان مظلم وبعيد عن الهواء والضوء .. صناديق الملابس حل جميل .. جربوها .. هنا حطيتها بصندوق السكارفات ..


هناك تعليق واحد:

  1. كيووت .. جا فبالي شموع باث آند بودي الكبيره .. دايما يبقا فيها شوي لمن تخلص الفتيله .. حلو لو نطلعه ونحطه باقمشه زي كذا وحطه بالأدراج يعطي ريحة وبنفس الوقت ماراح يبقع القماش .. شرآيك ؟

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...