الجمعة، 20 يونيو، 2014

الحصول على أداوات تساعدكم في الاعمال اليدوية..


أشتقت للديكوباج …
راح أنزل معكم خطوات هالعمل الأسبوع الجاي ان شاء الله ..

بس ودي أشارككم بعض المواقع اللي ممكن تفيدكم في الحصول على أداوات تساعدكم في الاعمال اليدوية ..
راح اخصص لها هاشتاق #شراء_أداواتي


أولا .. وللتوضيح انا ماأشتري أداواتي من النت بحكم اني عايشه الان برا .. فما أحتاج أطلب كل شيء متوفر ولله الحمد ..

ثانيا.. انا لي تجربه طبعا مع مواقع الشراء العالمية وماعندي مشاكل معها كل اللي عليكم بس توفير بطاقة شراء تخص الانترنت اقصد كردت كارد وتوفرها لكم كل البنوك السعودية والخليجية ..في حال اذا مافيه طريقة توصيل للسعودية مباشرة ممكن تعملون لكم بريد في أمريكا وبريطانيا عبر شركة أرامكس .. وراح يعطونكم التفاصيل لعناوينكم هناك .. دخلي كل المعلومات المطلوبه وانتظري من اسبوعين الى ٣ أسابيع عشان توصلك أغراضك ..
ثالثا .. لازم تكونين ذكية شوي وتختارين أفضل وأشهر المواقع المضمونه ولمن تطلبين لازم تطلبينهم من نفس الشخص أو الشركة وتطلبين كل شيء دفعه وحده مو تطلبين حبتين شرايط ب١٠ ريال والشحن ب٥٠ ريال يعني خليك منطقية ..
رابعا .. انا ماأقدر أعطيكم مواقع محدده وأقول والله هذا بس اللي فيه الادوات اللي تحتاجونها ..!! كل وحده هنا تختلف مطالبها وميولها وذوقها وحالتها المادية ..
خامسا .. الموقع الوحيد اللي ممكن تحصلون فيه كل ماتتمنونه هو أمازون ..
 من جد فيه كل التجار والموردين والموزعين .. يعني انتي بس أكتبي بالبحث الكلمة اللي ودك تبحثين عنها مثلا هذا الصندوق من شركة أستراليه اسمها KaiserCraft اكتبوا هالكلمة وشوفوا قد ايش بتطلع لكم خيارات متعدده .. اكتبي Washitape اللي هي الشرايط اللي دايم تسألوني عنها وراح يطلع لكم كمان أشكال أحسن من اللي عندي
سادسا.. فيه اكبر محرك بحث بالعالم الشيخ “Google” برضو اكتبوا اللي تبون بالضبط فيه وخذوا لكم لفه على باقي المواقع وقارنوا بالاسعار واختاروا اللي يناسبكم ..

سابعا.. اي سؤال يخص هالموضوع انا جاهزه وللي عندهم أماكن توفر هالاشياء مباشره في السعوديه او الخليج أذكروها هنا خلوا الجميع يستفيد ..

ليست هناك تعليقات:

إرسال تعليق

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...