الثلاثاء، 17 يونيو، 2014

توبرز او تغريسات ..


راح أبدا معكم بهالدرس البسيط يمكن غالبيتكم يعرفه ..
هذي عباره عن بطاقات ممكن يحطونها زينه للكيك أو بس تنحط بعلبة عليها عبارات او أي مكان ..
راح توضح الفكرة بالصورة الجايه ان شاء الله ..

الحين بعد ماطبعتوا وجهزتوا الورق الملون .. جاء وقت القص انا عندي خرامات على هيئة أشكال راح أصورها لكم بعدين ..
تعمدت عدم إستخدامها بهالعمل عشان ماتستصعبون العمل .. كل اللي أستخدمته مقص ..

✂️ ممكن تلقون بقوقل أشكال كثير كقالب تستخدمونه للقص كل ماعليكم تكتبون هالعبارة
‘Shapes Template’
راح يطلع لكم أشكال قوالب كثييير .. أطبعيها على ورق ابيض ساده وخليها عندك كقالب قصصيها وأبداي القص عليها وعشاان يسهل عليك القص وتقصين كميات كثيرة .. أستخدمي نفس طريقتي اللي بالصورة .. لمن تطبقين الورقه اكثر من مره راح تنجزين بسرعه
ولكم الحريه بإختيار الوان الورق حسب الثيم المخصص لحفلتك يعني لازم يكون فيه تناسق وكسر ألوان .. نحاول نبتعد عن التطقيم بكل شيء لان هالحركه قديمه ..

هنا الشكل النهائي للتوبرز Toppers ..
لاني ثبتها على أعواد أو عيدان الشوي الحاده فهي بهالشكل تكون جاهزه تنحط عالكيك او ممكن أعواد الاسنان الصغيره وتصير للكب كيك ..
أو ممكن تكون بس زينه وتنحط داخل كأس أو اي علبة ..
كمان ممكن نحطها على كأسات أو كروت راح أصورها لكم باستخدامات ثانية..
لاحظوا حاولت أنوع بالزينه واستخدم أشياء سهله موجوده بكل مكان ☺️
الاول عباره عن حرف .. والثاني ممكن رقم .. والثالث عبارة ..والرابع أي زينه ..
يلا استمتعوا مع هالعمل .. وانتظروا العمل القادم .. 

هناك تعليق واحد:

  1. رائع .......... ممكن اعرف نوع الكاميرا و العدسات ماشاء الله

    ردحذف

 نورة النزاري
مُدوّنه سعودية مهتمة بالفنون والحرف اليدوية، والفنون الورقية و الرقمية
أعمل كمشرفة قيادة مدرسية في وحدة تطوير المدارس،
لدي طفله أسمها زمرد
Norah Alnezari
 Saudi DIY Blogger | Crafter | Scrapbooker | Graphic Designer
I have a baby girl, her name is Zomorod

Related Posts Plugin for WordPress, Blogger...